Mateo 26:18 - BAIBLO ALOO NGMAMI KLƆUKLƆU Ɔ

¹⁸ E de mɛ ke, “Nyɛɛ ya asimasi ngɔ ngɛ ma a mi, nɛ nyɛ ya de lɛ ke, ‘Tsɔɔlɔ ɔ ke, Ye be ɔ su; i kɛ ye kaseli ɔmɛ ma ba ye Hetsɔmi ɔ ngɛ o we ɔ mi.’ ”

Somi He Ɔ

¹⁸ Nɛ e ke: “Nyɛɛ ya ma a mi nɛ nyɛ ya de asimasi ke: ‘Tsɔɔlɔ ɔ ke: Ye be ɔ su ta; o we ɔ mi i kɛ ye kaseli ɔmɛ maa ye Hetsɔmi ɔ ngɛ.’ ”

Mateo 26:18 ပူးပေါင်းရင်းမြစ်များ

Yohane 7:6

Yesu he nɔ ke, “Ye be ɔ sui lolo; se nyɛɛ lɛɛ be tsuaa be hi ha nyɛ.

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yohane 7:8

Nyɛɛ ya nɛ nyɛ ya ye nyami be ɔ. Imi lɛɛ i be yae, ejakaa be nɛ maa da mi ɔ na we nɛ e su.”

Yohane 12:23

Yesu he nɔ ke, “Jehanɛ lɛɛ be ɔ su nɛ a maa wo Nɔmlɔ Bi ɔ hɛ mi nyami babauu.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Yohane 11:28

Benɛ Marta de enɛ ɔ, e kpale e se kɛ ho nɛ e ya tsɛ e nyɛmiyo Maria zaa. E de lɛ ke, “Tsɔɔlɔ ɔ ba, nɛ e ngɛ o si bie.”

Marko 5:35

Benɛ Yesu ngɛ munyu ɔ tue ɔ, ni komɛ je Yairo nɛ ji kpe he nɔkɔtɔma a we ɔ mi ba de lɛ ke, “O biyo ɔ gbo; mɛni he je o pa ngɛ tsɔɔlɔ ɔ nya dooe?”

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Mateo 23:10

Jehanɛ, a ko tsɛ nyɛ ti nɔ ko ‘Tsɔɔlɔ’ hulɔ; ejakaa tsɔɔlɔ kake pɛ nyɛ ngɛ, nɛ lɛ ji Kristo.

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Mateo 21:3

Nɛ ke nɔ ko bi nyɛ munyu ko ɔ, nyɛ de lɛ ke, ‘A he hia Nyɔmtsɛ ɔ.’ Kɛkɛ ɔ, e maa ngmɛɛ a he ha nyɛ nɔuu.”

Yohane 20:16

Yesu tsɛ lɛ, “Maria!” Kɛkɛ nɛ Maria plɛ e he, nɛ e de lɛ ngɛ Hebri mi ke, “Rabuni” (E sisi ji “Tsɔɔlɔ”).

Mateo 26:49

Yuda ba Yesu ngɔ amlɔ ba de ke, “Tsɔɔlɔ he manye.” Kɛkɛ nɛ e fiɔ Yesu nya he.

Mateo 26:19

Kaseli ɔmɛ ya pee bɔ nɛ Yesu de mɛ ɔ, nɛ a pee niye ní ɔ nɛ a kɛ maa ye Hetsɔmi ɔ ngɔ to.