Mateo 26:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ kaseli nyɔngma kɛ enyɔ ɔmɛ a kpɛti nɔ kake nɛ a tsɛɛ lɛ Yuda Iskariot ɔ pue nɔ kɛ ho osɔfo nikɔtɔma amɛ a ngɔ ya,

Somi He Ɔ

¹⁴ Kɛkɛ nɛ ni nyɔngma kɛ enyɔ ɔmɛ a kpɛti nɔ kake nɛ a tsɛɛ lɛ Yuda Iskariot ɔ pue nɔ kɛ ho osɔfo nikɔtɔma amɛ a ngɔ ya,

Mateo 26:14 ပူးပေါင်းရင်းမြစ်များ

Mateo 10:4

Simon (ma he doolɔ ɔ), kɛ Yuda Iskariot, nɔ nɛ ba tsɔɔ Yesu se blɔ ɔ.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Yohane 13:30

Yuda sɔle abolo popoe ɔ, nɛ e je kpo amlɔ nɔuu. Jamɛ a be ɔ, je jɔ.

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Mateo 27:3

Benɛ Yuda, nɔ nɛ tsɔɔ Yesu se blɔ ɔ na kaa a bu Yesu gbenɔ fɔ ɔ, e pia e he, nɛ e kpale sika hiɔ yi nyingmi etɛ ɔ ya ha osɔfo nikɔtɔma amɛ, kɛ ma nimeli ɔmɛ.

Mateo 26:47

Benɛ Yesu ngɛ munyu ɔ tue kɛ mwɔɔ ɔ, Yuda, ni nyɔngma kɛ enyɔ ɔmɛ a kpɛti nɔ kake ɔ ba hia kpo kɛ nihi babauu ngɛ e se; nɛ a hɛɛ klaatehi kɛ tso kpotihi. Nimli nɛ ɔmɛ ɔ, osɔfo nikɔtɔma amɛ; kɛ ma nimeli ɔmɛ nɛ tsɔ mɛ.

Yohane 18:2

Yuda, nɔ nɛ ya tsɔɔ Yesu se blɔ ɔ le lejɛ ɔ, ejakaa Yesu kɛ mɛ pɔɔ kpemi ngɛ lejɛ ɔ.

Mateo 26:25

Yuda, nɔ nɛ tsɔɔ e se blɔ ɔ, bi lɛ ke, “Tsɔɔlɔ, imi lo?” Yesu he nɔ ke, “Ja o de ɔ nɛ.”

Yohane 12:4

lɔ ɔ he ɔ, Yuda Iskariot, Yesu kaseli ɔmɛ a ti nɔ kake nɛ maa tsɔɔ e se blɔ ɔ bi ke,

Yohane 13:26

Yesu he nɔ ke, “Ma ngɔ abolo kɛ sɔ flɔɔ ɔ mi; nɛ nɔ nɛ dɛ mi nɛ ma ngɔ wo ɔ, lɛ ji jamɛatsɛ ɔ nɛ.” Kɛkɛ nɛ e kɛ̃ abolo popoe, nɛ e ngɔ sɔ flɔɔ ɔ mi; nɛ e kɛ ha Yuda, Simon Iskariot bi ɔ.

Ni Tsumi 1:18

(Se Yuda tsu yi wu tso ní; nɛ sika nɛ e na ngɛ mi ɔ, e ngɔ ya he abɔɔ. Lejɛ ɔ nɛ e gbo ngɛ, nɛ e mi ni pã pue si.