Mateo 26:10 - BAIBLO ALOO NGMAMI KLƆUKLƆU Ɔ

¹⁰ Se Yesu na a juɛmi ɔ momo. Lɔ ɔ he ɔ, e bi mɛ ke, “Mɛni he je nyɛ ngɛ yo ɔ nya dooe? E tsu ní tsumi saminyayoo ha mi.

Somi He Ɔ

¹⁰ Se benɛ Yesu na enɛ ɔ ɔ, e de mɛ ke: “Mɛni he je nyɛ ngɛ yo ɔ nya dooe? E tsu nitsumi saminya ha mi.

Mateo 26:10 ပူးပေါင်းရင်းမြစ်များ

Nehemia 2:18

Lɔ ɔ se ɔ, i sɛɛ mɛ bɔ nɛ Mawu nyɛɛ ye se, nɛ́ e piɛ ye he, kɛ nɔ́ nɛ matsɛ ɔ de mi ɔ. A he nɔ ke, “Nyɛ ha nɛ wa bɔni gbogbo ɔ fiami!” Kɛkɛ nɛ a je ní tsumi kpakpa nɛ ɔ sisi nɔuu.

Hiob 13:7

Mɛni he je nyɛ ngɛ lakpa yee? Nyɛ susu kaa nyɛ lakpa a he maa ba se nami ha Mawu lo?

Mateo 26:11

Ejakaa nyɛɛ kɛ ohiatsɛmɛ ɔmɛ maa hi si daa; se imi lɛɛ pi daa nɛ i kɛ nyɛ maa hi si.

Mateo 26:9

Nu kɛ e he via nɛ ɔ, a ko jua we sika fuu, nɛ a ngɔ ha ohiatsɛmɛ lo?”

Marko 14:6

Se Yesu de mɛ ke, “Nyɛɛ jɔɔ lɛ haomi! Mɛni he je nyɛ ngɛ e nya dooe ɔ? E tsu ní saminyayoo ha mi.

Luka 8:49

Benɛ Yesu ngɛ munyu ɔ tue kɛ mwɔɔ ɔ, tsɔlɔ ko je kpe he ɔ nɔkɔtɔma a we ɔ mi ba de Yairo ke, “O biyo ɔ gbo; koo doo Tsɔɔlɔ ɔ nya hu.”

2 Korintobi 9:8

Nɔ́ tsuaa nɔ́ nɛ hia nyɛ ɔ, Mawu ma ha nyɛ fuu kɛ be nɔ; nɔ́ ko nɔ́ ko be nyɛ hiae, nɛ nyɛ ma na fuu kɛ be nɔ kɛ tsu ní tsumi kpakpa slɔɔtohi.

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Galatabi 6:17

Kɛ je mwɔnɛ ɔ kɛ yaa a, nɔ ko kó doo ye nya hu. Yesu nɔ́ nami okadihi ngɛ ye nɔmlɔ tso ɔ he.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

2 Tesalonikabi 2:17

e wo nyɛ bua, nɛ e ha nyɛ he wami nɛ nyɛ tsu ní kpakpa, nɛ nyɛɛ tu munyu kpakpa daa.

1 Timoteo 3:1

Anɔkuale sane ji kaa ke nɔ ko suɔ kaa e maa hyɛ Mawu asafo nɔ ɔ, e na ní tsumi kpakpa.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.