Mateo 25:8 - BAIBLO ALOO NGMAMI KLƆUKLƆU Ɔ

⁸ Kɛkɛ nɛ kuasia amɛ de ní leli ɔmɛ ke, ‘Nyɛ ha wɔ nyɛ nu ɔ eko, ejakaa wa kane ɔmɛ ngɛ gboe.’

Somi He Ɔ

⁸ Nɛ kuasia a mɛ de ni leli ɔmɛ ke: ‘Nyɛ ha wɔ nyɛ nu ɔ eko, ejakaa wa kane ɔmɛ ngɛ gboe.’

Mateo 25:8 ပူးပေါင်းရင်းမြစ်များ

Luka 12:35

“Nyɛɛ mia, nɛ nyɛɛ pee klaalo; nɛ nyɛ kane ɔmɛ nɛ a hi tsoe

Abɛ Womi 13:9

Nihi nɛ peeɔ nɔ́ nɛ da a, a ngɛ kaa kane nɛ ngɛ kpɛe. Se yayami peeli lɛɛ a ngɛ kaa kane nɛ miɔ nɛ e ma gbo.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Luka 16:24

Kɛkɛ nɛ niatsɛ ɔ kɛ ngmlaa de ke, ‘Tsaatsɛ Abraham lee! I ngɛ nɔ́ nae tsɔ ngɛ la nɛ ɔ mi! Lɔ ɔ he ɔ, naa mi mɔbɔ oo, naa mi mɔbɔ! Mao tsɔ Lazaro nɛ e ngɔ e nine nguɛ nya ya sɔ nyu mi, nɛ e kɛ ba jɔɔ ye lilɛ he ha mi oo, i kpa mo pɛɛ!’

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Abɛ Womi 20:20

Nɔ tsuaa nɔ nɛ gbiɛɛ e tsɛ, loo e nyɛ ɔ, e nyagbe baa tlukaa kaa kane nɛ a gbe ngɛ diblii kpii mi.

Hiob 21:17

Anɛ yayami peelɔ ko kane gbo hyɛ lo? Anɛ haomi ba a ti nɔ ko nɔ hyɛ lo? Anɛ Mawu kɛ abofu gbla yayami peelɔ ko tue hyɛ lo?

Hiob 18:5

Ee, yayami peelɔ kane ɔ ma gbo, nɛ e la a be kpɛe hu gblegbleegble.

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

La 49:7

Niinɛ, nɔ ko nɔ ko be lɛ nitsɛ e he nyɛe ma kpɔ; nɔ ko nɔ ko be nyɛe maa wo Mawu hiɔ nɛ maa su e wami nya.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 25:7

Yihewi ɔmɛ tsuo te si, nɛ a tsɛ̃ a kane ɔmɛ a mi.

Mateo 25:9

Se ní leli ɔmɛ de mɛ ke, ‘Eko ɔ, e ba be waa kɛ nyɛ tsuo sue; nyɛɛ ya nu juali ɔmɛ a ngɔ nɛ nyɛ ya he nyɛ nitsɛmɛ nyɛ nɔ́.’