Mateo 25:44 - BAIBLO ALOO NGMAMI KLƆUKLƆU Ɔ

⁴⁴ “Kɛkɛ ɔ, mɛ hu a ma bi ke, ‘Nyɔmtsɛ, mɛni be wa na mo nɛ hwɔ ngɛ mo yee, aloo kuma ngɛ mo yee, aloo kaa nubwɔ ji mo, aloo o hɛɛ o he gu, aloo o be he wami, aloo a wo mo tsu, nɛ wa ba ji ngmlaa ha mo ɔ?’

Somi He Ɔ

⁴⁴ Kɛkɛ ɔ, mɛ hu a ma he nɔ de ke: ‘Nyɔmtsɛ, te ligbi nɛ wa na mo kaa hwɔ ngɛ mo yee aloo kuma ngɛ mo yee aloo nibwɔ ji mo aloo o hɛɛ o he gu aloo o ngɛ gboe aloo a wo mo tsu mi, nɛ wa ba sɔmɔ we mo ɔ?’

Mateo 25:44 ပူးပေါင်းရင်းမြစ်များ

Luka 10:29

Se mlaa tsɔɔlɔ ɔ hla kaa e maa bu e he bemi, lɔ ɔ he ɔ, e bi Yesu ke, “Mɛnɔ ji ye nyɛmi?”

Mateo 7:22

Kojomi ligbi ɔ, nihi babauu ma bi mi ke, ‘Nyɔmtsɛ, Nyɔmtsɛ! Pi o biɛ mi nɛ wa fiɛ Mawu munyu ɔ ngɛ lo? Pi o biɛ mi nɛ wa hia mumi yayamihi ngɛ lo? Nɛ pi mo o biɛ mi nɛ wa pee nyakpɛ ní fuu ngɛ lo?’

Malaki 3:13

Yawɛ ke, “Nyɛ tuɔ munyuhi nɛ a he wa kɛ siɔ mi. Se nyɛ biɔ ke, ‘Kɛ wa plɛ kɛ tu munyu kɛ si mo kɛɛ?’

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Yeremia 2:35

nyɛ deɔ ke, ‘Oo, i tsa pee we yayami ko kɛ wui Mawu mi mi la; e mi mi tsa fu we mi pohu.’ Se imi Yawɛ, ma gbla nyɛ tue kɛ̃, ejakaa nyɛ ye lakpa ke nyɛ pee we yayami ko.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Mateo 10:41

Nɔ tsuaa nɔ nɛ heɔ gbalɔ akɛnɛ gbalɔ ji lɛ he je ɔ, gbalɔ hiɔwo lɛ e ma na. Nɔ nɛ heɔ dalɔ akɛnɛ dalɔ ji lɛ he je ɔ, dalɔ hiɔwo lɛ e ma na.

Mateo 25:43

Nubwɔ ji mi, se nyɛ ha we nɛ ma ba to nyɛ; i hɛɛ ye he gu, se nyɛ wui mi tade; i nu hiɔ, nɛ jehanɛ hu a wo mi tsu, se nyɛ ba slaa we mi.’

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’