Mateo 25:34 - BAIBLO ALOO NGMAMI KLƆUKLƆU Ɔ

³⁴ Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Somi He Ɔ

³⁴ Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Mateo 25:34 ပူးပေါင်းရင်းမြစ်များ

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Abɛ Womi 11:17

Nɔ nɛ naa mɔbɔ ɔ, lɛ nitsɛ e he kpakpa lɛ e ngɛ pee. Se nɔ nɛ yi mi wa a, e ngɛ lɛ nitsɛ e he plaae.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Zefania 3:15

Yawɛ gbla nyɛ tue ta; e fie nyɛ he nyɛli ɔmɛ ngɛ nyɛ he. Yawɛ, Israel matsɛ ɔ ngɛ nyɛ kpɛti; nyɛ be gbeye yee hu.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Mateo 20:23

Yesu de mɛ ke, “Ee, nyɛ maa nu. Se kaa nɔ ko maa hi ye hiɔ nɔ, loo ye muɔ nɔ ɔ, jamɛ a blɔ nya a lɛɛ pi imi nɛ i haa nɔ. Blɔ he nɛ ɔmɛ fɔɔ si kɛ ha nihi nɛ Tsaatsɛ nitsɛ dla kɛ to ɔ.”

Mateo 21:5

“Nyɛ de Zion biyo ɔ ke, Hyɛ, o matsɛ ɔ ma o ngɔ. E he jɔ, nɛ e hi teji nɔ, ee, e hi teji bi nɔ.”

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Mateo 25:23

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 27:37

A ngma sane nɛ tsɔɔ nɔ́ he je nɛ a ngɛ lɛ sɛue ɔ kɛ mɛtɛ e yi je ke, “Yesu, Yuda bi ɔmɛ a matsɛ ɔ ji nɛ ɔ nɛ.”

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 5:19

Lɔ ɔ he ɔ, nɔ tsua nɔ nɛ maa tɔ mlaa nɛ ɔmɛ a kpɛti nyafii kake, nɛ e maa tsɔɔ ni kpahi ke a pee ja a, a maa bu lɛ nɔmlɔ nyafii pe kulaa ngɛ hiɔwe matsɛ yemi ɔ mi. Se nɔ tsuaa nɔ nɛ yeɔ mlaa a nɔ, nɛ e tsɔɔ ni kpahi hu ke a pee ja a, a maa bu lɛ nɔmlɔ nguaa ngɛ hiɔwe matsɛ yemi ɔ mi.

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Marko 10:40

se ye hiɔ nɔ, kɛ ye muɔ nɔ himi ɔ, pi ye nɔ́ nɛ i kɛ haa, se mohu nihi nɛ a dla to ɔ a nɔ́.”

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Luka 11:50

Lɔ ɔ he ɔ, gbali tsuo nɛ a gbe kɛ je je mi sisije ɔ, a ma bi a muɔ si ngɛ yi nɔ bi nɛ ɔmɛ nyɛ dɛ.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 12:13

Lɔ ɔ he ɔ, a kukuɔ tã ba, nɛ a je kpo, nɛ a kɛ lɛ ya kpe kɛ a nɔ ose ke, “Mo kpɔ wɔ oo! Mawu nɛ gbaa nɔ nɛ ma ngɛ Nyɔmtsɛ ɔ biɛ mi ɔ! Mawu nɛ gbaa Israel matsɛ ɔ!”

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

1 Korintobi 2:9

Se, kaa bɔ nɛ a ngma a, “Nɔ́ nɛ hɛngmɛ nɛ́ hyɛ, Nɔ́ nɛ tue nui hyɛ, Nɔ́ nɛ adesa ko juɛmi sui he ɔ, Lɔ ɔ nɔuu Mawu dla ngɔ to nihi nɛ suɔ lɛ.”

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Galatabi 5:21

hɛkɔ, dã demi, fiɛmi yaya, kɛ ní yaya peemi kpahi fuu kaa níhi nɛ i tsi a ta nɛ ɔ. I ka nyɛ hɛ mi momo ngɛ kikɛmɛ a je mi bami nɛ ɔmɛ a he, nɛ i ngɛ nyɛ kɔkɔ bɔe ekohu ke nihi nɛ peeɔ kikɛmɛ a ní nɛ ɔmɛ a nine be Mawu matsɛ yemi ɔ nɔ sue gblegbleegble.

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

Hebribi 4:3

Wɔ nɛ wa he ye ɔ, wɔɔ lɛɛ wa ma ya jɔɔ wa he kaa bɔ nɛ Mawu wo si ɔ. Mawu de ke, “Ye mi mi wo la nɛ i ka kita ke, ‘He nɛ i to nɛ a ya jɔɔ a he ngɛ ɔ, ke a nane ma lejɛ ɔ fii!’ ” Mawu de enɛ ɔ, pohu níhi nɛ e to e yi mi kaa e maa pee ɔ, be nɛ e bɔ je ɔ tɔɔ nɛ e gbe lɛ tsuo nya.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

1 Petro 1:9

ejakaa nyɛ yi wami hemi ɔ nɛ e he nɛ nyɛ heɔ Mawu yeɔ ɔ, nyɛ nine maa su nɔ.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”