Mateo 25:3 - BAIBLO ALOO NGMAMI KLƆUKLƆU Ɔ

³ Kuasia amɛ ngɔɛ nu kɛ piɛ we kane ɔmɛ nɛ a hɛɛ ɔ a he.

Somi He Ɔ

³ Nihi nɛ ji kuasia amɛ wo a kane ɔmɛ, se a ngɔɛ nu ngɔ piɛ we he.

Mateo 25:3 ပူးပေါင်းရင်းမြစ်များ

Abɛ Womi 31:18

E tsuɔ ní nyɔ mi tsuo; ejakaa e le kaa e ma na he se kokooko.

Yesaya 58:2

A deɔ ke a jaa mi daa kɛ tsɔɔ kaa a ngɛ hlae nɛ a le ye suɔmi nya ní, nɛ a ye ye mlaa amɛ a nɔ. A deɔ hu ke a ngɛ hlae nɛ ma wo mɛ mlaa kpakpahi, nɛ a suɔ kaa a ma ja mi.”

Ezekiel 33:3

Ke e na he nyɛli ɔmɛ nɛ a ma a, e ma kpa titimati kɛ wo ma a tue nɔ.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 25:2

A kpɛti ni enuɔ ji kuasiahi, nɛ ni enuɔ lɛɛ ní leli ji mɛ.

Mateo 25:4

Ní leli ɔmɛ lɛɛ a hɛɛ nu kɛ tɔ ngɔ piɛ a kane ɔmɛ a he.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.