Mateo 24:6 - BAIBLO ALOO NGMAMI KLƆUKLƆU Ɔ

⁶ Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Somi He Ɔ

⁶ Se nyɛ maa nu tahi kɛ tahi a ta womihi a he; nyɛɛ hyɛ nɛ nyɛ tsui ko po; se e sa kaa ni nɛ ɔmɛ tsuo nɛ ba mi, se kɛ̃ ɔ, nyagbe ɔ sui lolo.

Mateo 24:6 ပူးပေါင်းရင်းမြစ်များ

La 112:7

E yi sane yobu ko nɛ maa ba a gbeye; nɔ́ ko nɔ́ ko pue we e tsui nɔ, ejakaa e ngɔ e hɛ kɛ fɔ Yawɛ nɔ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

Yeremia 47:6

Ngmlaa je nyɛ nya nɛ nyɛ bi ke, ‘Yawɛ klaate, mɛni be o ma kpa ní tsumi? Yaa sɛ o kpo ɔ mi, nɛ o jɔɔ o he, nɛ o pee dii!’

Ezekiel 21:28

“Nɔmlɔ adesa, gbaa, nɛ o fiɛ ke Amon bi ɔmɛ nɛ ngɛ Israel hɛ mi si puee ɔ, imi Nyɔmtsɛ Yawɛ, i ngɛ mɛ dee ke, ‘A hia klaate ko nɛ a kɛ ma kpata nihi a hɛ mi. A sa klaate ɔ he, nɛ e ngɛ kpɛe nylamnylam kaa oslabai, konɛ a kɛ gbe nihi.

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Luka 21:9

Ke nyɛ nu nɛ a ngɛ ta hwue, aloo a tsɔ atuã ngɛ he ko ɔ, nyɛ ko ye gbeye; ja kikɛmɛ a ní nɛ ɔmɛ ba mi lolo. Se kɛ̃ ɔ, nyagbe ɔ sui lolo.”

Luka 22:37

Ejakaa ngmami ɔ nɛ deɔ ke, ‘A bu lɛ ngɔ ta yayami peeli a he’ ɔ, ye he a ngma ngɛ. Nɛ nɔ́ tsuaa nɔ́ nɛ ngmami ɔ deɔ ngɛ ye he ɔ, ja e ba mi.”

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

2 Tesalonikabi 2:2

ke nyɛ nu kaa mumi mi sɛ gbi ko je kpo, aloo munyu ko ngɛ pɛe, aloo kaa a ngɛ dee ke womi ko je wa ngɔ kaa Nyɔmtsɛ ɔ ligbi ɔ ba momo ɔ, nyɛ juɛmi mi ko pee nyɛ enyɔɔnyɔ, nɛ nyɛ ko hao hulɔ.

Kpojemi 6:4

Kɛkɛ nɛ okpɔngɔ kpa ba, nɛ lɛɛ e tsuɔ. Mawu ha okpɔngɔ nɔ hilɔ ɔ he blɔ nɛ e kɛ ta nɛ ba je ɔ mi, konɛ nimli nɛ gbe a he. A ha lɛ klaate gagaa ko.