Mateo 24:5 - BAIBLO ALOO NGMAMI KLƆUKLƆU Ɔ

⁵ Ejakaa nihi fuu maa ba, nɛ a ma ba tu munyu ngɛ ye biɛ mi ke, ‘Imi ji Kristo ɔ nɛ!’ nɛ a maa mlɔɔ nihi babauu.

Somi He Ɔ

⁵ Ejakaa nihi fuu kɛ ye biɛ maa ba, nɛ a ma ba de ke: ‘Imi ji Kristo ɔ nɛ!’ Nɛ a maa mlɔɔ nihi fuu.

Mateo 24:5 ပူးပေါင်းရင်းမြစ်များ

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 24:11

Lakpa gbali babauu maa te si, nɛ a maa mlɔɔ nihi fuu.

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Yohane 5:43

I ba ngɛ Tsaatsɛ biɛ mi po nyɛ he we mi; se nɔ ko nɛ maa ba ngɛ lɛ nitsɛ e suɔmi nya a lɛɛ nyɛ ma he lɛ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Yeremia 23:21

Yawɛ ke, “I tsɔ we gbali nɛ ɔmɛ, se kɛ̃ a he sɔ kɛ ya fiɛ. I ha we mɛ sɛ gbi ko, se kɛ̃ a gba ngɛ ye biɛ mi.

Yeremia 37:9

Imi Yawɛ i ngɛ nyɛ dee ke nyɛ ko sisi nyɛ he; nyɛ ko susu kaa Babilonia bi ɔmɛ be kpalee kɛ ba hu. A maa ba kokooko!

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

1 Yohane 2:22

Lɛɛ mɛnɔ ji lakpatsɛ? Ee, nɔ tsuaa nɔ nɛ deɔ ke pi Yesu ji Kristo ɔ, lɛ ji lakpatsɛ ɔ nɛ. Kikɛmɛ a nɔmlɔ nɛ ɔ ji Kristo he nyɛlɔ ɔ nɛ; e kua Tsɛ ɔ, kɛ Bi ɔ tsuo.

1 Yohane 4:3

Se nɔ nɛ jajeɔ kaa nɔ́ nɛ a de ngɛ Yesu he nɛ ɔ be mi ɔ, e mumi ɔ ji Mawu ngɔ. Mumi nɛ ngɛ e mi ɔ je Kristo he nyɛlɔ ɔ ngɔ. Nyɛ nu kaa e ma, pi jã? Ee, amlɔ nɛ ɔ, e ná ba je ɔ mi momo.