Mateo 24:48 - BAIBLO ALOO NGMAMI KLƆUKLƆU Ɔ

⁴⁸ Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.

Somi He Ɔ

⁴⁸ Se ke jamɛ a tsɔlɔ ɔ ji tsɔlɔ yayami ɔ, e ma de ngɛ e tsui mi ke: ‘Ye nyɔmtsɛ ɔ ngɛ e bami be ɔ tsɛe kɛ ngɛ toe;’

Mateo 24:48 ပူးပေါင်းရင်းမြစ်များ

Mateo 18:32

Matsɛ ɔ ha nɛ a ya tsɛ tsɔlɔ ɔ kɛ ba, nɛ e de lɛ ke, ‘Mo tsɔlɔ yiwutsotsɛ! Akɛnɛ o kpa mi pɛɛ he je ɔ, i ngɔ hiɔ nɛ ɔ tsuo ngɔ ke mo.

Luka 12:45

Se ke jamɛ a tsɔlɔ ɔ ma de ngɛ e yi mi ke e nyɔmtsɛ ɔ se ma ya fia si bɔɔ, nɛ e be bae mla a, lɛɛ e ma bɔni tsɔli kpa amɛ, kɛ mawayi ɔmɛ kongomi. E maa ye ní, nɛ e maa nu ní, nɛ e maa tɔ dã kpɔtɔɔ.

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Marko 7:21

Ejakaa nɔmlɔ tsui mi tɔɔ nɛ juɛmi yayami nɛ ɔmɛ jeɔ: nyumu kɛ yo yakayaka fiɛmi, jumi, nɔ gbemi,

Mose V, 9:4

“Ke Yawɛ, nyɛ Mawu ɔ fie mɛ ha nyɛ ɔ, nyɛ ko susu nɛ nyɛ de nyɛ he ke, ‘Wa dami nɛ wa da he je nɛ Yawɛ kɛ wɔ ba nɛ wa ba ngɔ zugba nɛ ɔ.’ Pi ja, se mohu je ma nɛ ɔmɛ a yi mi nɛ wa a he je nɛ Yawɛ ngɛ mɛ fiee ha nyɛ ɔ nɛ.

Ni Tsumi 8:22

Pia o he mohu ngɛ nɔ́ yayami nɛ o susu ɔ he, nɛ o kpa Nyɔmtsɛ ɔ pɛɛ kaa alini a maa ngɔ yayami nɛ o susu ɔ ngɔ pa mo lo.

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.

Mateo 25:26

“Se e nyɔmtsɛ ɔ he nɔ nɛ e de ke, ‘Tsɔlɔ yaya kɛ alitsɛ! O le kaa i kpaa ní ngɛ he nɛ i du we ní ngɛ, nɛ i buaa ní nya ngɛ he nɛ i fĩa we ní ngɛ; pi jã?

Ezekiel 12:27

“Nɔmlɔ adesa, nɔ́ nɛ Israel ma a ngɛ dee ji, ‘Nina amɛ nɛ gbalɔ ɔ na a be mi bae amlɔ nɛ ɔ; hwɔɔ se lokoo he ninahi sɔuu.’

Ezekiel 12:22

“Nɔmlɔ adesa, nyɛ buu abɛ nɛ ɔ nɛ kɔɔ Israel zugba a he ke, ‘Be babauu ngɛ bee, se nina amɛ ekoeko bɛ mi gblee.’ Kɛ nyɛ ngɛ tsɔɔe kɛɛ ɔ?

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Matsɛmɛ II, 5:26

Se Elisha de lɛ ke, “Anɛ benɛ nyumu ɔ kple si kɛ je e zugba lɛ ɔ mi nɛ e kɛ mo ba kpe ɔ, i be lejɛ ɔ ngɛ mumi mi lo? Anɛ be nɛ a kɛ heɔ sika, loo tadehi, loo oliv abɔɔhi, loo wai ngmɔhi, loo tohi, loo nahi, loo mawahi ji nɛ ɔ lo?

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Mateo 24:47

Niinɛ, i ngɛ nyɛ dee ke, nyɔmtsɛ ɔ maa ngɔ tsɔlɔ nɛ ɔ ngɔ pee e weto ní tsuo nɔ hyɛlɔ.

Mateo 24:49

Kɛkɛ ɔ, e ma bɔni nyɛmimɛ tsɔli kpa amɛ kpa fiami, nɛ e kɛ dã tɔli ma ya ye ní, nɛ a maa nu ní.