Mateo 24:47 - BAIBLO ALOO NGMAMI KLƆUKLƆU Ɔ

⁴⁷ Niinɛ, i ngɛ nyɛ dee ke, nyɔmtsɛ ɔ maa ngɔ tsɔlɔ nɛ ɔ ngɔ pee e weto ní tsuo nɔ hyɛlɔ.

Somi He Ɔ

⁴⁷ Niinɛ, i ngɛ nyɛ dee ke, e maa ngɔ lɛ ngɔ to e nihi tsuo kulaa nya.

Mateo 24:47 ပူးပေါင်းရင်းမြစ်များ

Mateo 25:23

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Luka 12:44

Niinɛ, i ngɛ nyɛ dee ke, nyɔmtsɛ ɔ maa tu e níhi tsuo ngɔ wo jamɛ a tsɔlɔ ɔ dɛ mi nɛ e hyɛ nɔ.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Luka 19:17

E de lɛ ke, Ayekoo! Tsɔlɔ kpakpa ji mo! O ye anɔkuale ngɛ nɔ́ nyafii mi, lɔ ɔ he ɔ, o maa ye ma nyɔngma nɔ́.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Daniel 12:3

Ní leli ɔmɛ nɛ nyɛɛ ma a hɛ mi ɔ ma kpɛ kaa pu. Ni nɛmɛ nɛ tsɔɔ nihi babauu blɔ nɛ a pee nɔ́ nɛ da a, mɛɛ lɛɛ a ma kpɛ kaa dodoehi kɛ maa ya neneene.”

Abɛ Womi 14:35

Tsɔlɔ nɛ le ní ɔ, matsɛ suɔ lɛ. Se tsɔlɔ nɛ tsuɔ zo ní ɔ, lɛɛ matsɛ gblaa e tue.

Mateo 24:46

Tsɔlɔ nɛ ke e nyɔmtsɛ ɔ ba we mi, nɛ e ma ba na kaa e ngɛ jã pee ɔ, a gbaa lɛ.

Mateo 24:48

Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.