Mateo 24:38 - BAIBLO ALOO NGMAMI KLƆUKLƆU Ɔ

³⁸ Be mi nɛ nyu kpekpemi ɔ ma ba ha zugba a hɛ mi ɔ, nihi ngɛ ngma yee, nɛ a ngɛ ní nue; nyumuhi ngɛ yihi ngɔe, nɛ yihi hu ngɛ gbae hluu kɛ ya su ligbi ɔ nɛ Noa ya sɛ lɛ ɔ mi.

Somi He Ɔ

³⁸ Ejakaa bɔ nɛ e ngɛ ngɛ ligbihi nɛ nyɛɛ nyu afua a hɛ mi, nɛ ni ɔmɛ hɛɛ ni yemi kɛ ni numi kɛ yo ngɔmi kɛ gba hami mi hluu kɛ ya su ligbi nɛ Noa ya sɛ daka a mi,

Mateo 24:38 ပူးပေါင်းရင်းမြစ်များ

Luka 12:45

Se ke jamɛ a tsɔlɔ ɔ ma de ngɛ e yi mi ke e nyɔmtsɛ ɔ se ma ya fia si bɔɔ, nɛ e be bae mla a, lɛɛ e ma bɔni tsɔli kpa amɛ, kɛ mawayi ɔmɛ kongomi. E maa ye ní, nɛ e maa nu ní, nɛ e maa tɔ dã kpɔtɔɔ.

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Mateo 22:30

Benɛ ni gbogboehi maa te si kɛ ba wami mi ekohu ɔ, a maa hi kaa hiɔwe bɔfohi; a be yo ngɔe, nɛ nɔ ko hu be gbae.

Mose I, 7:7

E kɛ e yo, kɛ e binyumu ɔmɛ, kɛ a yi ɔmɛ ya sɛ lɛ ɔ mi nɛ a kɛ tu nyu kpekpemi ɔ nya fo.

Mose I, 7:23

Yawɛ kpata nɔ́ tsuaa nɔ́ nɛ ngɛ hɛ ngmengmle ngɛ je ɔ mi ɔ hɛ mi: nimli adesahi, lohwe pɛlitsɛmɛ, lohwe nane eywiɛɛywiɛtsɛmɛ, kɛ ní nɛmɛ nɛ sãã si. Noa kɛ ni nɛmɛ nɛ e kɛ mɛ ngɛ lɛ ɔ mi ɔ pɛ nɛ a piɛ.