Mateo 24:36 - BAIBLO ALOO NGMAMI KLƆUKLƆU Ɔ

³⁶ “Se jamɛ a ligbi ɔ, kɛ jamɛ a ngmlɛfia a, nɔ ko nɔ ko li. Hiɔwe bɔfo ɔmɛ li ɔ, Bi ɔ tete li; Tsɛ ɔ nɔ kake too lɛ le.

Somi He Ɔ

³⁶ “Se jamɛ a ligbi ɔ kɛ jamɛ a ngmlɛfia a, nɔ ko nɔ ko li. Bɔfohi nɛ ngɛ hiɔwe ɔ tete li, nɛ Bi ɔ tete li, ja Tsaatsɛ nɔ kake kɛkɛ.

Mateo 24:36 ပူးပေါင်းရင်းမြစ်များ

Marko 13:32

“Se jamɛ a ligbi ɔ, loo ngmlɛfia a, nɔ ko li; hiɔwe bɔfo ɔmɛ li, Bi ɔ hu li, ja Tsɛ ɔ pɛ.

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

Mateo 24:44

Lɔ ɔ he ɔ, nyɛ hu nyɛ dla nyɛ he kɛ to; ejakaa Nɔmlɔ Bi ɔ maa ba tlukaa be mi nɛ nyɛ hɛ be nɔ.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

1 Tesalonikabi 5:2

Ejakaa nyɛ nitsɛmɛ nyɛ le tsɔ kaa Nyɔmtsɛ ɔ maa ba tlukaa kaa bɔ nɛ julɔ baa nyɔ mi.

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

Mateo 24:42

“Lɔ ɔ he ɔ, nyɛ hɛ nɛ hi nyɛ he nɔ; ejakaa nyɛ li ligbi ɔ nɛ nyɛ Nyɔmtsɛ ɔ ma.

Mateo 25:13

Nɔ́ nɛ Yesu de kɛ gbe e munyu ɔ nya ji, “Lɔ ɔ he ɔ, nyɛɛ hyɛ nyɛ he nɔ saminya, ejakaa jamɛ a ligbi ɔ, loo jamɛ a ngmlɛfia a, nyɛ li.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

Zakaria 14:7

be si hie hu. Du be bue gblegbleegble. Nyɔ mi hu je mi maa tɛ paa kaa piani. Be nɛ nɔ́ nɛ ɔ maa ba mi ɔ, Yawɛ pɛ lɛ le.