Mateo 24:31 - BAIBLO ALOO NGMAMI KLƆUKLƆU Ɔ

³¹ Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Somi He Ɔ

³¹ Nɛ e maa tsɔ e bɔfo ɔmɛ kɛ Titimati nɛ gbi nya wa, nɛ a ma bua e nihi nɛ a hla amɛ a nya kɛ maa je kɔɔhiɔ eywiɛ ɔ nɔ, kɛ maa je hiɔwe nyagbe he kake nɔ kɛ yaa su nyagbe he kpa nɔ.”

Mateo 24:31 ပူးပေါင်းရင်းမြစ်များ

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

Marko 13:27

E maa tsɔ hiɔwe bɔfo ɔmɛ kɛ ya bua nihi nɛ Mawu hla a a nya kɛ je je ɔ kɔ nya eywiɛ ɔmɛ tsuo, kɛ je zugba nyagbe he kɛ yaa si hiɔwe nyagbe he.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

2 Tesalonikabi 2:1

Jehanɛ, nɔ́ nɛ kɔɔ wa Nyɔmtsɛ Yesu Kristo bami ɔ, kɛ bɔ nɛ a ma bua wa nya nɛ waa kɛ lɛ ya kpe ɔ he ji nɛ ɔ nɛ. Wa kpa nyɛ pɛɛ, nyɛmimɛ,

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

Zakaria 2:6

Yawɛ de e ma a ke, “I gbɛ nyɛ fĩa je kɔ nya eywiɛ ɔmɛ tsuo. Se jehanɛ lɛɛ nyɛ nihi nɛ a nuu kɛ ho ma se ya, esɔ nɛ nyɛɛ tu fo kɛ je Babilonia kɛ ba Yerusalem.

Yesaya 60:4

Wo o yi nɔ nɛ o hyɛ o he kɛ kpe. O nɛ, mɛ tsuo a ngɛ a he nya buae; a ngɛ a he nya buae kɛ ma o ngɔ! O binyumu ɔmɛ maa je ma se tsitsaa kɛ ba, nɛ o biyi ɔmɛ lɛɛ a maa hɛɛ mɛ kaa bimwɔwi kɛ ba.

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Kpojemi 7:1

Enɛ ɔ se ɔ, i na Mawu bɔfohi eywiɛ nɛ a daa si ngɛ je ɔ kɔ nya eywiɛ ɔmɛ. A tsi kɔɔhiɔ eywiɛ ɔmɛ a nya, konɛ kɔɔhiɔ ko fia ngɛ zugba a nɔ, loo wo nɔ, loo kɛ muɔ tso ko.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Mose V, 30:4

Ke kaa je ɔ nyagbe he tɔɔ po nɛ Yawɛ, nyɛ Mawu ɔ gbɛ nyɛ ngɔ fĩa a, e ma bua nyɛ nya, nɛ e maa kpale nyɛ kɛ ba,

Kpojemi 8:2

Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Zakaria 14:5

Nyɛ maa tu fo kɛ maa gu kɔ̃ ɔ nɛ gba yo ɔ mi enyɔ ɔ mi, ejakaa kɔ̃ ɔ nɛ gba Yawɛ yo ɔ mi enyɔ ɔ ma ya su Azal tɔɔ. Nyɛ maa tu fo kaa bɔ nɛ nyɛ pee blema ngɛ Yuda matsɛ, Uzia yi nɔ, benɛ zugba mimiɛ ɔ. Yawɛ, ye Mawu ɔ maa ba kɛ ni klɔuklɔu ɔmɛ tsuo.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 67:7

Mawu gbaa wɔ; je ɔ tsuo nɛ a ye lɛ gbeye!

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Mose V, 4:32

“Jehanɛ, nyɛ bi ngɛ je ɔ mi tsuo kulaa kaa kɛ je blema lokoo loko a fɔ nyɛ, kɛ je be nɛ Mawu bɔ nɔmlɔ ngɛ zugba a nɔ ɔ, anɛ sane nguaa ko kaa enɛ ɔ eko ba hyɛ, loo a nu eko hyɛ lo?

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 24:32

“Nyɛɛ hyɛ ngmɔkɔ tso ɔ, nɛ nyɛɛ kase ní. Ke ngmɔkɔ tso kɔnihi plɔke, nɛ a bɔni ba tsɛ̃mi pɛ nyɛ le kaa latsa be ɔ su ta.

Hebribi 12:19

Titimati ngɛ pɛe, nɛ nɔ ko ngɛ munyu tue. Benɛ a nu gbi ɔ, a kpa pɛɛ ke a ko de nɔ́ ko kɛ piɛ he hu.