Mateo 24:30 - BAIBLO ALOO NGMAMI KLƆUKLƆU Ɔ

³⁰ Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Somi He Ɔ

³⁰ Kɛkɛ ɔ, Nɔmlɔ Bi ɔ okadi ɔ maa je kpo ngɛ hiɔwe, nɛ lɔ ɔ lɛɛ zugba a nɔ wetso ɔmɛ tsuo maa wo ya, nɛ a maa na Nɔmlɔ Bi ɔ kaa we ma ngɛ hiɔwe bɔku ɔmɛ a nɔ kɛ he wami dɛ hɛ mi nyami babauu.

Mateo 24:30 ပူးပေါင်းရင်းမြစ်များ

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Mateo 26:64

Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Luka 21:27

Kɛkɛ ɔ, a maa na Nɔmlɔ Bi ɔ nɛ ma ngɛ bɔku mi, kɛ he wami, kɛ hɛ mi nyami babauu.

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ he wami nguaa, kɛ hɛ mi nyami.

Luka 22:69

Se e be kɛe kulaa nɛ Nɔmlɔ Bi ɔ maa hi Mawu Ope ɔ hiɔ nɔ.”

Marko 13:4

“Tsɔɔlɔ, níhi nɛ o de nɛ ɔ, mɛni be a maa ba mi? De wɔ! Ke ní nɛ ɔmɛ tsuo maa ba mi ɔ, mɛni okadi maa je kpo?”

Zakaria 12:11

Jamɛ a be ɔ, a maa nyɛ ya wawɛɛ ngɛ Yerusalem kaa bɔ nɛ a pee ha Hadadrimon ngɛ Magido nga a nɔ ɔ.

Mateo 24:37

Nɔmlɔ Bi ɔ maa ba tlukaa kaa nɔ́ nɛ ba ngɛ Noa be ɔ mi ɔ.

Mateo 24:39

Jamɛ a be ɔ mi tsuo ɔ, a li nɔ́ nɛ ngɛ nɔ yae kɛ ya si nyu kpekpemi ɔ ba muɔ mɛ tsuo kɛ ho. Ligbi ɔ nɛ Nɔmlɔ Bi ɔ maa ba a, kikɛ nɛ ɔ nɔuu níhi maa ya nɔ.

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.