Mateo 24:3 - BAIBLO ALOO NGMAMI KLƆUKLƆU Ɔ

³ Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Somi He Ɔ

³ Benɛ Yesu hii si ngɛ Nuyoku ɔ nɔ ɔ, e kaseli ɔmɛ ba e ngɔ ngɛ se ba de lɛ ke: “Tsɔɔ wɔ be nɛ a maa pee ni nɛ ɔmɛ, nɛ mɛni ji o bami kɛ je nɛ ɔ nyagbe ɔ he okadi?”

Mateo 24:3 ပူးပေါင်းရင်းမြစ်များ

Mateo 13:36

Benɛ Yesu si ma kpekpemi ɔ, nɛ e ba we mi ɔ, e kaseli ɔmɛ ba e ngɔ ba de lɛ ke, “Abɛ ɔ nɛ kɔɔ hu ɔ nɛ ngɛ ngmɔ ɔ mi ɔ he ɔ, tsɔɔ wɔ sisi.”

Mateo 13:49

Kikɛ nɛ ɔ nɔuu a maa pee ngɛ je nɛ ɔ nyagbe mi. Mawu bɔfo ɔmɛ maa je kpo, nɛ a ma ba hla nimli yayami ɔmɛ ngɛ nimli kpakpa amɛ a kpɛti.

Mateo 15:12

Kɛkɛ nɛ kaseli ɔmɛ ba e ngɔ nɛ a ba de lɛ ke, “O le kaa benɛ Farisi bi ɔmɛ nu kikɛmɛ a munyu nɛ ɔ, e dɔ mɛ ɔ?”

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Mateo 17:19

Kɛkɛ nɛ Yesu kaseli ɔmɛ ba e ngɔ nigii, nɛ a ba bi lɛ ke, “Mɛni he je nɛ wɔɔ lɛɛ wa nyɛ we nɛ waa hia mumi yayami ɔ?”

Mateo 21:1

Benɛ Yesu kɛ e kaseli ɔmɛ miɔ nɛ a maa su Yerusalem ɔ, a gba Betfage, ngɛ Oliv yo ɔ he. Yesu tsɔ e kaseli ɔmɛ a ti ni enyɔ,

Mateo 24:27

Ejakaa Nɔmlɔ Bi ɔ maa ba tlukaa kaa bɔ nɛ oslabai gbaa kɛ jeɔ beleku kɛ yaa bonyoku ɔ.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Mateo 24:37

Nɔmlɔ Bi ɔ maa ba tlukaa kaa nɔ́ nɛ ba ngɛ Noa be ɔ mi ɔ.

Mateo 24:39

Jamɛ a be ɔ mi tsuo ɔ, a li nɔ́ nɛ ngɛ nɔ yae kɛ ya si nyu kpekpemi ɔ ba muɔ mɛ tsuo kɛ ho. Ligbi ɔ nɛ Nɔmlɔ Bi ɔ maa ba a, kikɛ nɛ ɔ nɔuu níhi maa ya nɔ.

Mateo 24:43

Nyɛ ná nyɛɛ le kaa ke wetsɛ ko le nyɔ mi be tutuutu nɛ julɔ maa ba e we mi ɔ, e ko huɔ, nɛ e ko ngmɛ́ blɔ nɛ julɔ ɔ ba ju lɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Luka 21:7

Ni ɔmɛ bi lɛ ke, “Tsɔɔlɔ, mɛni be nɔ́ nɛ ɔ maa ba mi? Loko nɔ́ nɛ ɔ maa ba mi ɔ, mɛni okadi maa je kpo?”

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.