Mateo 24:27 - BAIBLO ALOO NGMAMI KLƆUKLƆU Ɔ

²⁷ Ejakaa Nɔmlɔ Bi ɔ maa ba tlukaa kaa bɔ nɛ oslabai gbaa kɛ jeɔ beleku kɛ yaa bonyoku ɔ.

Somi He Ɔ

²⁷ Ejakaa bɔ nɛ slaba jee beleku ngaa kɛ yaa bonyoku ɔ ja nɔuu Nɔmlɔ Bi ɔ bami ɔ maa pee.

Mateo 24:27 ပူးပေါင်းရင်းမြစ်များ

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

Yakobo 5:8

Nyɛ hu nyɛɛ to nyɛ tsui si ja. Nyɔmtsɛ ɔ bami nɛ nyɛ ngɛ blɔ hyɛe ɔ, nyɛ lua nyɛ, ejakaa be ɔ na wɔ haa.

Malaki 3:2

Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Mateo 24:39

Jamɛ a be ɔ mi tsuo ɔ, a li nɔ́ nɛ ngɛ nɔ yae kɛ ya si nyu kpekpemi ɔ ba muɔ mɛ tsuo kɛ ho. Ligbi ɔ nɛ Nɔmlɔ Bi ɔ maa ba a, kikɛ nɛ ɔ nɔuu níhi maa ya nɔ.

Mateo 24:37

Nɔmlɔ Bi ɔ maa ba tlukaa kaa nɔ́ nɛ ba ngɛ Noa be ɔ mi ɔ.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Hiob 37:3

E haa oslabai gbaa ngɛ hiɔwe, nɛ e kpɛɔ ngɛ je ɔ kɔ nya he tsuaa he.

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Hiob 38:35

Anɛ o ma nyɛ ma fa oslabai ke e gba, nɛ e ma he nɔ ke, “Ma pee kaa bɔ nɛ o fa mi ɔ” lo?

Ezekiel 1:14

Hɛ kali ɔmɛ saa fo kɛ yaa kɛ baa kaa oslabai nɛ ngɛ gbae.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 24:26

“Aloo ke nihi ma de nyɛ ke, ‘Hyɛ, e ngɛ nga a nɔ’ ɔ, nyɛ ko ya lejɛ ɔ; ke a de nyɛ ke, ‘E ngɛ se tsu ɔ mi’ ɔ, nyɛ ko he ye.

Mateo 24:44

Lɔ ɔ he ɔ, nyɛ hu nyɛ dla nyɛ he kɛ to; ejakaa Nɔmlɔ Bi ɔ maa ba tlukaa be mi nɛ nyɛ hɛ be nɔ.