Mateo 24:22 - BAIBLO ALOO NGMAMI KLƆUKLƆU Ɔ

²² Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Somi He Ɔ

²² Nɛ ke a pui jamɛ a ligbi ɔmɛ a nɔ kpiti ɔ, jinɛ a be he lo ko he lo ko yiwami hee; se nihi nɛ a hla amɛ a he ɔ, a maa po jamɛ a ligbi ɔmɛ a nɔ kpiti.

Mateo 24:22 ပူးပေါင်းရင်းမြစ်များ

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Zakaria 13:8

A maa gbe zugba a tsuo nɔ bi mi dlami etɛ mi enyɔ nɛ a gbo, nɛ e maa piɛ mi dlami etɛ mi kake.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Mateo 22:14

Yesu gbe e munyu ɔ nya ke, “A tsɛ nihi fuu, se bɔɔ pɛ a hla.”

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Marko 13:20

Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

Romabi 9:11

Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.