Mateo 24:19 - BAIBLO ALOO NGMAMI KLƆUKLƆU Ɔ

¹⁹ Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Somi He Ɔ

¹⁹ Se i ngɛ yihi nɛ hɛɛ muklii kɛ nyɔ nyu hali ngɛ jamɛ a be ɔmɛ a mi ɔ kpo mo hae.

Mateo 24:19 ပူးပေါင်းရင်းမြစ်များ

Luka 21:23

Yihi nɛ maa hɛɛ mi, kɛ ni nɛmɛ nɛ maa hi nyɔ hae jamɛ a be ɔ, kusiɛ ha mɛ! Fimi nɛ nya wa maa ba zugba a nɔ, nɛ Mawu mi mi ma fu kikɛmɛ a ma a.

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Samuel II, 4:4

Saul bi Yonatan ngɛ bi akpaketsɛ ko nɛ a tsɛɛ lɛ Mefiboshet. Benɛ Saul kɛ Yonatan gbenɔ sane ɔ pɛ ngɛ Yezreel ɔ, jamɛ a be ɔ, Mefiboshet ye jeha enuɔ. A tsɔɔ kaa benɛ sane ɔ ba a, bimɛanyɛ nɛ ngɛ e nɔ hyɛe ɔ ngɔ lɛ kɛ tu fo. Se nɛ e ngɛ esɔ yee ɔ, jokuɛ ɔ je e dɛ nɔ si nɛ e hule.

Matsɛmɛ II, 15:16

Benɛ Menahem je Tirza kɛ yaa a, e kpata Tapua ma a, ma mi bi ɔmɛ, kɛ zugbahi nɛ bɔle Tapua ma a a hɛ mi. Yihɔyihi nɛ ngɛ ma a mi po, e ta bimɛ ɔmɛ ngɛ mɛ tsuo pɛpɛɛpɛ a mi mi. Menahem pee nɔ́ nɛ ɔ, ejakaa ma a he we lɛ atuu.

Mateo 21:16

nɛ a bi lɛ ke, “Nɔ́ nɛ ni ɔmɛ ngɛ dee ɔ, o ngɛ nue?” Yesu he nɔ ke, “Ee, i ngɛ nue! Anɛ nyɛ kane we ngmami nɛ ɔ hyɛ lo? Ngmami ɔ ke, ‘O dla bimwɔwi, kɛ nyɔ nya bimɛ kɛ to konɛ a la la ngɔngɔɛ kɛ je o yi.’ ”

Mateo 24:18

Nyumu nɛ ngɛ ngmɔ si ɔ, e ko kpale ya ngɔ e tade.

Mateo 24:20

Nyɛɛ fa kue ha Mawu nɛ e ko ba mi kaa nyɛ maa tu fo fĩɛ be mi, aloo ngɛ Hejɔɔmi ligbi nɔ!