Mateo 24:17 - BAIBLO ALOO NGMAMI KLƆUKLƆU Ɔ

¹⁷ Nɔ nɛ ngɛ tsu yi mi ɔ, e ko kple si ya ngɔ e níhi ngɛ we ɔ mi.

Somi He Ɔ

¹⁷ nɔ nɛ ngɛ tsu yi mi ɔ e ko kple si ya ngɔ nɔ ko kɛ je e we mi;

Mateo 24:17 ပူးပေါင်းရင်းမြစ်များ

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Ni Tsumi 10:9

E nɔ jena benɛ a ngɛ blɔ ɔ nɔ kɛ yaa nɛ a miɔ nɛ a maa su Yopa, maa pee ngmlɛ nyɔngma kɛ enyɔ ɔ, Petro ho tsu ɔ yi mi ya, konɛ e ya sɔle.

Luka 12:3

Lɔ ɔ he ɔ, nɔ́ tsuaa nɔ́ nɛ nyɛ de ngɛ laami mi ɔ, a maa nu ngɛ magbɛ mi; nɛ munyuhi nɛ nyɛ tu ngɔ wo tue mi zaa ngɛ se tsu mi ɔ, a maa fiɛ ngɛ ma nɔ.

Luka 5:19

Se nimli kpekpemi ɔ a he je ɔ, a nɛ blɔ nɛ a kɛ lɛ nɛ ya lejɛ ɔ. Lɔ ɔ he ɔ, a kuɔ kɛ ya tsu ɔ yi mi, nɛ a ya kpɔ zu longo ɔ eko, nɛ a siu hiɔtsɛ ɔ, kɛ e sa a kɛ gu puɔ ɔ mi kɛ ya fɔ ni ɔmɛ a kpɛti, ngɛ Yesu hɛ mi.

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

Samuel I, 9:25

Benɛ a kple si kɛ je jami he ɔ kɛ ba ma a mi ɔ, a pee sa ha Saul ngɛ tsu ɔ yi mi,

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Mateo 24:16

Kɛkɛ ɔ, ni nɛmɛ nɛ ngɛ Yudea a, a tu fo kɛ ya yo ɔmɛ a nɔ.

Mateo 24:18

Nyumu nɛ ngɛ ngmɔ si ɔ, e ko kpale ya ngɔ e tade.