Mateo 24:15 - BAIBLO ALOO NGMAMI KLƆUKLƆU Ɔ

¹⁵ “Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Somi He Ɔ

¹⁵ “Lɔ ɔ he je ɔ, ke nyɛ na ma doku ninye ni nɛ gbalɔ Daniel tu he munyu ɔ kaa e maa si ngɛ he klɔuklɔu ɔ” (nɔ nɛ ngɛ kanee ɔ, e kɔ se!)

Mateo 24:15 ပူးပေါင်းရင်းမြစ်များ

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Kpojemi 1:3

A gbaa nɔ nɛ kaneɔ womi nɛ ɔ. Nihi nɛ nuɔ sɛ gbi nɛ a gba ngɔ to ngɛ womi nɛ ɔ mi, nɛ a yeɔ nɔ ɔ, á gbaa mɛ. Ejakaa be ɔ nɛ ní nɛ ɔmɛ tsuo maa ba mi ɔ su ta.

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Daniel 9:23

Benɛ o je o kue fami ɔ sisi ɔ, Mawu he nɔ. Lɔ ɔ he ɔ, i ba hiɛ ɔ, konɛ ma ba de mo; ejakaa Mawu suɔ o sane saminya. Jehanɛ, bu tue nɛ ma tsɔɔ mo nina a sisi.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Ni Tsumi 6:13

Jehanɛ a kɛ lakpa odase yeli komɛ ba, nɛ a ba de ke, “Daa nɛ ɔ, kikɛmɛ a nɔmlɔ nɛ ɔ tuɔ munyu kɛ siɔ wa sɔlemi we klɔuklɔu ɔ, kɛ Mose mlaa a.

Kpojemi 3:22

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue.”

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Ezekiel 40:4

E de mi ke, “Nɔmlɔ adesa, bli o hɛngmɛ nɛ o hyɛ nɔ́ saminya; ta tue nɛ o nu nɔ́ tsuaa nɔ́ pɛpɛɛpɛ, nɛ o ngɔ o juɛmi kɛ fɔ nɔ́ tsuaa nɔ́ nɛ ma tsɔɔ mo ɔ nɔ; ejakaa a ngɔ mo kɛ ba hiɛmɛ nɛ ɔ, bɔ nɛ pee nɛ ma ngɔ ní nɛ ɔmɛ kɛ tsɔɔ mo. Nɔ́ tsuaa nɔ́ nɛ o maa na a, yaa nɛ o ya de Israel ma a.”

Yohane 11:48

Ke wa ngmɛ lɛ blɔ nɛ e ya nɔ ngɛ ní nɛ ɔmɛ pee ɔ, ma a tsuo ma he lɛ maa ye. Kɛkɛ ɔ, Roma bi ɔmɛ maa ba ba kpata wa sɔlemi we ɔ, kɛ wa ma a tsuo hɛ mi.”

Yeremia 44:29

Imi Yawɛ, ma to nyɛ okadi kaa ma gbla nyɛ tue ngɛ hiɛmɛ nɛ ɔ; nɛ lɔ ɔ nyɛɛ kɛ maa na kaa si ko nɛ i wo kaa ma kpata nyɛ hɛ mi ɔ maa ba mi niinɛ.

Daniel 1:6

Nihi nɛ a hla a, a ti ni komɛ ji Daniel, Hanania, Mishael, kɛ Azaria. Mɛ tsuo a je Yuda wɛtso ɔ mi.

Mateo 24:16

Kɛkɛ ɔ, ni nɛmɛ nɛ ngɛ Yudea a, a tu fo kɛ ya yo ɔmɛ a nɔ.