Mateo 24:14 - BAIBLO ALOO NGMAMI KLƆUKLƆU Ɔ

¹⁴ Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Somi He Ɔ

¹⁴ Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Mateo 24:14 ပူးပေါင်းရင်းမြစ်များ

Ezekiel 7:10

Hyɛ, ligbi ɔ ji nɛ ɔ nɛ! O nyagbe ɔ su! Israel, amanehlu be ɔ ba na mo. Nɔ sisimi ngɛ nɔ yae wawɛɛ kaa tso nɛ gba mɔmɔ, nɛ he womi hu nya wa kaa blɛfo nɛ je deke.

Mateo 10:7

Nyɛ ya fiɛ ke, ‘Hiɔwe matsɛ yemi ɔ su si ta!’

Mateo 18:19

“Jehanɛ ɔ hu, i ngɛ nyɛ dee ke, ke nyɛ kpɛti ni enyɔ ngɛ zugba nɛ ɔ nɔ maa pee nyɛ nya kake kɛ kpa nɔ́ ko he pɛɛ ɔ, Tsaatsɛ nɛ ngɛ hiɔwe ɔ maa pee ha nyɛ.

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Mateo 24:6

Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 9:35

Yesu kpa ma amɛ, kɛ kɔpe ɔmɛ tsuo a nɔ. E tsɔɔ ní ngɛ kpe he ɔmɛ; e fiɛ sane kpakpa a nɛ kɔɔ matsɛ yemi ɔ he ɔ, nɛ e tsa hiɔ slɔɔtohi tsuo.

Marko 13:10

Ja a fiɛ sane kpakpa a ngɔ tsɔɔ je ma amɛ tsuo loko nyagbe ɔ maa ba.

Luka 2:1

Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Luka 4:5

Kɛkɛ nɛ Abosiami ngɔ lɛ kɛ ya hiɔwe, nɛ e kɛ je nɛ ɔ mi matsɛ yemi ɔmɛ tsuo tsɔɔ lɛ hɛngmɛfia.

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Ni Tsumi 11:28

A ti nɔ ko nɛ a tsɛɛ lɛ Agabo ɔ te da si, nɛ Mumi ɔ ha nɛ e gba nɛ e de ke hwɔ nguaa ko ma ba te si ngɛ je ɔ mi tsuo. Hwɔ ba niinɛ ngɛ Kaisare Klaudio yi nɔ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Ni Tsumi 17:6

Se benɛ a nɛ mɛ ɔ, a gbla Yason, kɛ nyɛmimɛ ɔmɛ a ti ni komɛ kɛ ya ha ma a mi nikɔtɔma amɛ pani nya kɛ ngmlaa ke, “Nimli nɛ ɔmɛ ɔ, he tsuaa he nɛ a ya a, basabasa sɔuu. Amlɔ nɛ ɔ, a ba su wa ma mi hiɛmɛ nɛ ɔ,

Ni Tsumi 19:27

Nɔ́ nɛ fɔɔ si paa ji, wa ní tsumi ɔ he guɛ ma gbo. Pi lɔ ɔ kɛkɛ, se mohu a maa ye yo mawu Artemi jami he ɔ he fɛu, nɛ bɔ nɛ a nyaa e he ngɛ Asia, kɛ je ɔ mi tsuo ɔ se maa po!”

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Hebribi 1:6

Se benɛ Mawu miɔ nɛ e maa tsɔ e bitɛte ɔ je ɔ mi ɔ, e de ekohu ke, “Ha nɛ Mawu bɔfo ɔmɛ tsuo nɛ a ja lɛ.”

Hebribi 2:5

Je nɛ maa ba nɛ wa ngɛ he munyu tue ɔ, Mawu ha we Mawu bɔfohi he blɔ nɛ a ye tsɛ ngɛ nɔ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.