Mateo 23:7 - BAIBLO ALOO NGMAMI KLƆUKLƆU Ɔ

⁷ a suɔ nɛ a kɛ bumi nɛ nga mɛ ngɛ jua nɔ, nɛ a tsɛ mɛ ke, ‘Tsɔɔlɔ!’

Somi He Ɔ

⁷ kɛ jua nɔ ngamihi, nɛ a suɔ nɛ nihi nɛ tsɛ mɛ: ‘Rabi, Rabi.’

Mateo 23:7 ပူးပေါင်းရင်းမြစ်များ

Mateo 11:16

“Mɛni he po ma ngɔ kikɛmɛ a yi nɔ bi nɛ ɔmɛ ngɔ to? A ngɛ kaa jokuɛwi nɛ hii si ngɛ jua nɔ, nɛ a ngɛ a juami bi dee ke,

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Mateo 26:25

Yuda, nɔ nɛ tsɔɔ e se blɔ ɔ, bi lɛ ke, “Tsɔɔlɔ, imi lo?” Yesu he nɔ ke, “Ja o de ɔ nɛ.”

Mateo 26:49

Yuda ba Yesu ngɔ amlɔ ba de ke, “Tsɔɔlɔ he manye.” Kɛkɛ nɛ e fiɔ Yesu nya he.

Marko 10:51

Yesu bi lɛ ke, “Mɛni o ngɛ hlae nɛ ma pee ha mo?” Hɛ yuyuilɔ ɔ de lɛ ke, “Tsɔɔlɔ, ha ma hyɛ nɔ́ ekohu.”

Marko 11:21

Petro kai nɔ́ nɛ ba a, nɛ e de Yesu ke, “Tsɔɔlɔ, hyɛ, ngmɔkɔ tso ɔ nɛ o gbiɛ ɔ ngla!”

Marko 12:38

E de mɛ ngɛ e ní tsɔɔmi ɔ mi ke, “Nyɛɛ hyɛ nɛ hi ngɛ mlaa tsɔɔli ɔmɛ a he. A suɔ nɛ a wo tade klɔii, nɛ nihi nɛ kpla si kɛ nga mɛ ngɛ jua nɔ.

Marko 14:45

Benɛ Yuda su si nɔuu pɛ nɛ e ba Yesu ngɔ, nɛ e ke, “Tsɔɔlɔ!” nɛ e fiɔ e nya he.

Marko 9:5

Petro de Yesu ke, “Tsɔɔlɔ, e hi kaa wa ngɛ hiɛ ɔ. Ha waa ma bo tsu etɛ, o nɔ kake, Mose nɔ kake, kɛ Eliya nɔ kake.”

Luka 11:43

“Nyɛ Farisi bi, musu tloo nyɛ! Nyɛ suɔ nikɔtɔmahi a sihi hehi ngɛ kpe he ɔmɛ, nɛ nyɛ suɔ hu nɛ nihi nɛ kpla si kɛ nga nyɛ ngɛ jua nɔ.

Yohane 1:38

Benɛ Yesu plɛ e he, nɛ e na kaa kaseli ɔmɛ nyɛɛ e se ɔ, e bi mɛ ke, “Mɛni nyɛ ngɛ hlae?” A he nɔ ke, “Tsɔɔlɔ, jije o hii?”

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 11:8

Kaseli ɔmɛ he nɔ ke, “Tsɔɔlɔ, pi lingmi pɛ nɛ Yuda bi ɔmɛ ka mo tɛ fiami, nɛ o yaa lejɛ ɔ ekohu?”

Yohane 20:16

Yesu tsɛ lɛ, “Maria!” Kɛkɛ nɛ Maria plɛ e he, nɛ e de lɛ ngɛ Hebri mi ke, “Rabuni” (E sisi ji “Tsɔɔlɔ”).

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 3:26

Lɔ ɔ he ɔ, kaseli ɔmɛ ba Yohane ngɔ, nɛ a ba bi lɛ ke, “Tsɔɔlɔ, nyumu ɔ nɛ e kɛ mo hi Yordan pa a beleku je nɛ o tu e he munyu ɔ, o kai lɛ lo? Hyɛ, amlɔ nɛ ɔ, nihi babauu ngɛ e ngɔ yae, nɛ e ngɛ mɛ sɔlee.”

Yohane 4:31

Jamɛ a be ɔ, kaseli ɔmɛ bɔni Yesu pɛɛ kpami ke e ba wo e nya mi nɔ́ ko.

Yohane 6:25

Benɛ ni ɔmɛ ba na Yesu ngɛ taku ɔ se ɔ, a bi lɛ ke, “Tsɔɔlɔ, mɛni be o ba hiɛmɛ nɛ ɔ?”

Yohane 9:2

Kaseli ɔmɛ bi Yesu ke, “Tsɔɔlɔ, mɛnɔ lɛ pee yayami nɛ a fɔ nɔmlɔ nɛ ɔ hɛ yuyuilɔ ɔ? Lɛ nitsɛ, aloo e fɔli?”