Mateo 23:5 - BAIBLO ALOO NGMAMI KLƆUKLƆU Ɔ

⁵ Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Somi He Ɔ

⁵ Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

Mateo 23:5 ပူးပေါင်းရင်းမြစ်များ

Matsɛmɛ II, 10:16

nɛ e de lɛ ke, “Ha waa ho nɛ o ya hyɛ kɛ o hɛngmɛ níhi nɛ i pee ha Yawɛ.” Nɛ e kɛ lɛ hi ta zugba lɛ ɔ mi kɛ ho Samaria ya.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Abɛ Womi 3:3

Koo ngmɛɛ si himi kpakpa, kɛ anɔkuale yemi he. Fi kɛ wo o kuɛ, nɛ o ngma kɛ fɔ o tsui nɔ.

Mose III, 13:32

Ligbi nɛ ji kpaago ɔ, e hyɛ hiɔtsɛ ɔ ekohu. Ke hiɔ ɔ hɛ́ si, nɛ bwɔmi nɛ hɛɛ kungwɔ zɔ su be mi, nɛ lejɛ ɔ hu nɔɛ lo mi ɔ,

Mateo 9:20

Yo ko nɛ muɔ ngɛ bee ngɛ e he jeha nyɔngma kɛ enyɔ sɔuu ba je Yesu se tlukaa. Kɛkɛ nɛ e ta Yesu tade ɔ nya a he.

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Luka 20:47

A sisiɔ yalɔyihi, nɛ a kpɔɔ a wehi ngɛ a dɛ. Kɛkɛ ɔ, a peeɔ sɔlemi gagaaga, konɛ a kɛ laa a ní peemi ní ɔmɛ a nɔ. Mawu maa gbla a tue pe nine!”

Yohane 12:43

A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.

Mose V, 11:18

“Nyɛ hɛ nɛ hi mlaa nɛ ɔmɛ a nɔ, nɛ nyɛ susu a he saminya. Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Mose V, 22:12

“Moo kpɛ deke kɛ wo bo nɛ o haa a nya eywiɛ ɔmɛ tsuo.

Mose V, 6:8

Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Filipibi 1:15

Niinɛ, sane kpakpa a nɛ a ngɛ fiɛe ɔ, a ti ni komɛ a hɛ kɔɔ ye nɔ, nɛ a jeɔ mi hunga, se ni komɛ hu kɛ juɛmi kpakpa fiɛɔ.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.