Mateo 23:37 - BAIBLO ALOO NGMAMI KLƆUKLƆU Ɔ

³⁷ “Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Somi He Ɔ

³⁷ “Oo Yerusalem, Yerusalem, mo nɛ o gbee gbali ɔmɛ nɛ o fiaa nihi nɛ a tsɔ mɛ o ngɔ ɔ tɛ; si nyɛmɛ i hla kaa jinɛ i buaa o bimɛ a nya kaa bɔ nɛ kungwɔ buaa e bimɛ a nya woɔ e pɛlihi a sisi ɔ, nɛ nyɛ kplɛɛ we!

Mateo 23:37 ပူးပေါင်းရင်းမြစ်များ

Rut Womi 2:12

Yawɛ Israel Mawu ɔ, nɔ ngɔ nɛ o ba sa we ngɛ ɔ, lɛ nitsɛ nɛ e wo mo níhi nɛ o pee ɔ kulaa he hiɔ.”

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

La 17:8

Moo baa ye yi kaa bɔ nɛ nɔ baa lɛ nitsɛ e hɛngmɛ yi ɔ. Ngɔɔ mi kɛ laa ngɛ o pɛli hɔ̃ ɔ sisi,

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

La 63:7

Be tsuaa be ɔ, mo nɔuu lɛ o piɛɔ ye he; lɔ ɔ he ɔ, ma la kɛ bua jɔmi ngɛ hɔ̃ mi ngɛ o pɛli ɔmɛ a sisi.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Mateo 23:30

nɛ nyɛ deɔ ke, ‘Wa nɛmɛ ɔmɛ a yi nɔ ɔ, wa ngɛ je mi jinɛ wa ko piɛ we a he kɛ pue gbali ɔmɛ a muɔ si.’

Mateo 22:3

E tsɔ nihi ke a ya tsɛ ni nɛmɛ nɛ a kpee ɔ kɛ ba okplɔɔ ɔ he, se a sume kaa a maa ba.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

1 Tesalonikabi 2:15

Nimli nɛ ɔmɛ nɛ a gbe Nyɔmtsɛ Yesu, kɛ gbali ɔmɛ. Mɛ lɛ a wa wɔ yi mi. Mawu na we a he bua jɔmi; a te si wo nɔ tsuaa nɔ!

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Mateo 22:6

Ni nɛmɛ nɛ piɛ ɔ, mɛɛ lɛɛ a nuu tsɔli ɔmɛ, nɛ a pee mɛ nisɛ ní, nɛ a gbe mɛ ngɔ si nɔ.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Yeremia 26:23

A ngɔ Uria kɛ je Egipt kɛ ba ha Matsɛ Yehoyakim. Matsɛ Yehoyakim ha nɛ a gbe Uria, nɛ a sake e gbogboe ɔ kɛ fɔ gɔ ɔ mi he nɛ a puɔ ni guhi ngɛ ɔ.

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Luka 15:28

“Bi nɔkɔtɔma a mi mi fu wawɛɛ, nɛ e kua we ɔ mi sɛmi. Lɔ ɔ he ɔ, e tsɛ ɔ je kpo nɛ e ba de lɛ ke, ‘Ye bi, i kpa mo pɛɛ, moo ba kɛkɛ.’

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?

Yeremia 32:31

Kɛ je be nɛ a bɔ ma nɛ ɔ, ye mi mi la sɔuu lɛ ma mi bi ɔmɛ ngɛ woe. I to kaa ma kpata ma a hɛ mi,

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Mateo 23:31

Enɛ ɔ tsɔɔ kaa nyɛ nitsɛmɛ nyɛ ngɛ odase yee kaa nihi nɛ gbe gbali ɔmɛ a nina ji nyɛ.