Mateo 23:27 - BAIBLO ALOO NGMAMI KLƆUKLƆU Ɔ

²⁷ “Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Somi He Ɔ

²⁷ “Musu tloo nyɛ mlaa tsɔɔli kɛ Farisifohi osatotsɛmɛ, ejakaa nyɛ ngɛ kaa yɔkɔhi nɛ a sa he nɛ a he pee fɛu mohu, sɛ a mi hyi tɔtɔɔtɔ kɛ ni gbogboehi a wuhi kɛ mu slɔɔtohi tsuo.

Mateo 23:27 ပူးပေါင်းရင်းမြစ်များ

Ni Tsumi 23:3

Paulo de lɛ ke, “Mo hu Mawu ma gba mo ma kokooko; mo nɛ o ngɛ kaa gli nɛ a sa he kalo! Mo nɛ o blɔ nya ji kaa o hyɛ nɛ a kojo mi ngɛ mlaa a nya a, hyɛ kaa mo mohu o je mlaa a se fa ke a gba mi ma!”

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

Mose IV, 19:16

Nɔ tsuaa nɔ nɛ maa ta nɔ gbogboe he ngɛ nga nɔ ɔ, e he tsɔ we kɛ yaa si ligbi kpaago, nɔ nɛ a kɛ klaate gbe lɛ jio, nɔ nɛ gbo lɛ nitsɛ e gbenɔ jio. Jã kɛ̃ nɔ nɛ maa ta nɔ gbogboe wu, aloo yɔkɔ ko he ɔ, lɛ hu e he tsɔ we kɛ yaa si ligbi kpaago.

Abɛ Womi 26:23

Ke nɔ ko nya mi munyu ngɔɔ, se e tsui mi lɛɛ e hí ɔ, e ngɛ kaa zu buɛ nɛ a kɛ sika hiɔ ha he.

Mateo 23:28

Kikɛ nɛ ɔ pɛ nyɛ hu nyɛ ngɛ; nihi naa nyɛ kaa nimli kpakpahi, se osato, kɛ yayami hyi nyɛ mi mi tɔ.

Galatabi 6:12

Nihi nɛ hlaa kaa a maa nyɛ nyɛ nɔ kaa ja a po nyɛ doo ɔ, nihi a hɛ mi kɛkɛ lɛ a ngɛ hlae nɛ a sa. Ejakaa a le kaa ke a de ke loko a ma he nɔ ko yi wami ɔ, ja nɔ ɔ na amanehlu kaa Kristo ɔ, nihi maa wa mɛ yi mi.