Mateo 23:19 - BAIBLO ALOO NGMAMI KLƆUKLƆU Ɔ

¹⁹ Hɛ yuyuili! Te nɔ́ nɛ he jua wa nɛɛ? Nike ní ɔ, aloo bɔ sami la tɛ ɔ nɛ haa nike ní ɔ peeɔ klɔuklɔu ɔ?

Somi He Ɔ

¹⁹ Hɛ yuyuili, te nɔ nɛ pe nɛɛ, bɔ ɔ, aloo bɔ sami latɛ ɔ nɛ haa bɔ ɔ peɔ klɔuklɔu ɔ?

Mateo 23:19 ပူးပေါင်းရင်းမြစ်များ

Mose II, 29:37

Moo pee enɛ ɔ daa ligbi kɛ yaa su ligbi nɛ ji kpaago ɔ. Kɛkɛ ɔ, bɔ sami la tɛ ɔ maa pee klɔuklɔu, nɛ nɔ tsuaa nɔ, aloo nɔ́ tsuaa nɔ́ nɛ he maa sa he ɔ hɛ mi ma kpata.

Mose II, 30:29

Moo tsukɔ ní nɛ ɔmɛ a he, kɛkɛ ɔ, a maa pee klɔuklɔu nitsɛnitsɛ; nɔ tsuaa nɔ, aloo nɔ́ tsuaa nɔ́ nɛ he maa sa a he ɔ hu maa pee klɔuklɔu.

Hagai 2:12

Ke nɔ ko ngɔ lo kpɔ ko nɛ a gbaa nɔ ha Mawu kɛ je bɔ sami la tɛ ɔ mi, nɛ e hɛɛ kɛ yaa ngɛ e tade klɔii ɔ mi, ke e ha nɛ e tade ɔ sa niye ní kaa abolo, loo flɔɔ, loo wai, loo nu, loo niye ní saisaa ko he ɔ, anɛ jamɛ a niye ní ɔ hu maa pee nɔ́ nɛ a gbaa nɔ kɛ ha Mawu lo?” Osɔfo ɔmɛ ha heto ke, “Dɛbi!”

Mateo 23:17

Hɛ yuyuili kuasiahi! Te nɔ́ nɛ he jua wa nɛɛ? Sika tsu ɔ, aloo sɔlemi we ɔ nɛ haa sika tsu ɔ peeɔ klɔuklɔu ɔ?

Mateo 23:18

Jehanɛ ɔ hu, nyɛ deɔ ke, ‘Ke nɔ ko kɛ bɔ sami la tɛ ɔ ka kita a, lɔ ɔ pi nɔ́ ko kulaa. Se ke e kɛ nike ní nɛ fɔɔ si ngɛ bɔ sami la tɛ ɔ nɔ ɔ ka kita nɛ e yi nɔ ɔ, lɔ ɔ lɛɛ musu tloo lɛ.’

Mateo 23:20

Lɔ ɔ he ɔ, ke nɔ ko kɛ bɔ sami la tɛ ɔ ka kita a, blɔɔ bɔ sami la tɛ ɔ, kɛ nɔ́ tsuaa nɔ́ nɛ fɔɔ si ngɛ nɔ ɔ e kɛ ka kita a nɛ.