Mateo 22:3 - BAIBLO ALOO NGMAMI KLƆUKLƆU Ɔ

³ E tsɔ nihi ke a ya tsɛ ni nɛmɛ nɛ a kpee ɔ kɛ ba okplɔɔ ɔ he, se a sume kaa a maa ba.

Somi He Ɔ

³ Nɛ e tsɔ e tsɔli ke a ya tsɛ nihi nɛ a kpee ɔ kɛ ba yo kpeemi ɔ he; se a mi bami.

Mateo 22:3 ပူးပေါင်းရင်းမြစ်များ

La 68:11

Nyɔmtsɛ ɔ wo gbi, nɛ nihi babauu ngɔ sɛ gbi ɔ kɛ ho ke,

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Yeremia 25:4

Daa nɛ ɔ, Yawɛ tsɔɔ e tsɔli gbali ɔmɛ kɛ baa nyɛ ngɔ. Se nyɛ bui mɛ tue, nɛ sɛ gbi nɛ a kɛ ba a hu nyɛ bui.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Mateo 21:34

Benɛ wai yiblii nya buami be su ɔ, zugbatsɛ nɛ ɔ tsɔ e tsɔli kɛ ya huli ɔmɛ a ngɔ kaa wai yiblii ɔ nɛ a bua nya a, a ya ngɔ lɛɛ e blɔ fa mi nɔ́ kɛ ba.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Luka 15:28

“Bi nɔkɔtɔma a mi mi fu wawɛɛ, nɛ e kua we ɔ mi sɛmi. Lɔ ɔ he ɔ, e tsɛ ɔ je kpo nɛ e ba de lɛ ke, ‘Ye bi, i kpa mo pɛɛ, moo ba kɛkɛ.’

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Yohane 5:40

Se nyɛ sume kaa nyɛ maa ba ye ngɔ, konɛ nyɛ na wami.

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.