Mateo 22:29 - BAIBLO ALOO NGMAMI KLƆUKLƆU Ɔ

²⁹ Yesu de mɛ ke, “Nyɛ tɔ! Ejakaa nyɛ li ngmami ɔmɛ, aloo Mawu he wami.

Somi He Ɔ

²⁹ Se Yesu he nɔ nɛ e de mɛ ke: “Nyɛ ngɛ tɔe, ejakaa nyɛ li ngmami ɔmɛ aloo Mawu he wami ɔ,

Mateo 22:29 ပူးပေါင်းရင်းမြစ်များ

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Mateo 22:28

Lɛɛ ligbi ɔ nɛ ni gbogboehi maa te si ɔ, nyɛmimɛ kpaago ɔmɛ a kpɛti mɛnɔ yo e maa pee, nɛ́ mɛ tsuo a kɛ lɛ hi si ɔ?”

Marko 12:24

Yesu he nɔ ke, “Nyɛ tɔ! Nyɛ le nɔ nɛ he je? Nyɛ li ngmami ɔmɛ, nɛ Mawu he wami ɔ hu nyɛ li.

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Yohane 20:9

Pohu ngmami ɔ nɛ de ke e sa nɛ e te si kɛ je gbeje ɔ, a nui sisi kɛ mwɔɔ.

Ni Tsumi 26:8

Jehanɛ, nyɛ Yuda bi nɛ nyɛ ngɛ hiɛ ɔ, mɛni he je nyɛ he we yi kaa Mawu ma nyɛ ma tle ni gbogboehi si ɔ?

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.