Mateo 22:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, de wɔ; kɛ o susuu kɛɛ? Anɛ mlaa ngmɛɛ blɔ kaa a tsu tó ha Kaisare ɔ, aloo a ko tsu?”

Somi He Ɔ

¹⁷ lɔ ɔ he ɔ de wɔ bɔ nɛ o susuu. Anɛ e da kaa a tsuɔ onia haa Kaisare, aloo e dɛ?”

Mateo 22:17 ပူးပေါင်းရင်းမြစ်များ

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 7:24

I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

Nehemia 5:4

Ni komɛ hu ke, “Wa pa sika kɛ wo wa zugba amɛ, kɛ wa wai ngmɔ ɔmɛ a he tó ha nɔ yeli ɔmɛ.

Nehemia 9:37

Zugba a baa ní babauu ha matsɛmɛ ɔmɛ nɛ a ngɔ to wa nya a mohu, se akɛnɛ wa pee yayami kɛ si mo ɔ, a pee wɔ nimli ɔmɛ, kɛ wa lohwe ɔmɛ yayami bɔ nɛ a suɔ, nɛ wa yi fi wawɛɛ nitsɛ!”

Yeremia 42:20

kaa blɔ nɛ nyɛ hia a, blɔ ɔ dɛ, nɛ tue gblami nɛ maa nyɛɛ se ɔ, nyɛɛ kɛ nyɛ wami ma he. Nyɛ de mi ke ma kpa Yawɛ, wa Mawu ɔ pɛɛ ha nyɛ, nɛ nyɛ wo si ke nɔ́ tsuaa nɔ́ nɛ Yawɛ ma fa nyɛ ke nyɛɛ pee ɔ, nyɛ maa pee.

Mateo 17:25

Petro he nɔ ke, “Ee, e woɔ.” Benɛ Petro ba we ɔ mi ɔ, Yesu sɛ hlami bi lɛ ke, “Simon, kɛ o susuɔ kɛɛ? Zugba a nɔ matsɛmɛ ɔmɛ ɔ, mɛnɔmɛ a dɛ a heɔ tó ngɛ? Ma mi bi a dɛ, aloo ma se bi a dɛ?”

Mateo 22:18

Se Yesu na ga yaya a nɛ a to ɔ. Lɔ ɔ he ɔ, e de ke, “Osatotsɛmɛ, mɛni he je nyɛ ngɛ mi dae ɔ?

Luka 2:1

Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Luka 20:22

Anɛ wa mlaa a ngmɛɛ blɔ kaa a tsu tó ha Kaisare ɔ, loo a ko tsu?”

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Ni Tsumi 17:7

nɛ Yason he mɛ ngɔ to we. A ngɛ Kaisare ɔ mlaa amɛ tsuo a nɔ tɔe; nɛ a ngɛ dee ke matsɛ kpa ko ngɛ nɛ a tsɛɛ lɛ Yesu.”

Ni Tsumi 25:8

Paulo je e nya, nɛ e de ke, “I tɔ we Yuda bi ɔmɛ a mlaa ko; i pee we nɔ́ ko kɛ ble we sɔlemi we ɔ, nɛ Kaisare ɔ hu i tɔ we e nɔ.”

Ni Tsumi 28:22

Se wa suɔ kaa wa maa bu mo tue nɛ waa le o juɛmi; ejakaa kuu nɛ o ngɛ mi nɛ ɔ, wa le kaa ngɛ he tsuaa he ɔ, a tuɔ e he munyu yaya.”

Ni Tsumi 5:37

E se ɔ, Yuda, Galilea no ɔ hu ba benɛ a ngɛ nihi kanee ɔ. E ba gbla nihi kɛ nyɛɛ e se, se lɛ hu e hɛ mi kpata, nɛ e we bi ɔmɛ tsuo gbɛ fĩa.