Mateo 22:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ matsɛ ɔ de e tsɔli ɔmɛ ke, ‘Nyɛɛ fi e nine, kɛ e nane ngɔ bla, nɛ nyɛ ya sake lɛ ngɔ fɔ tsu ɔ se ngɛ diblii ɔ mi tsitsaa. Lejɛ ɔ nɛ e maa wo ya, nɛ e ma kpe e lungu nya ngɛ.’ ”

Somi He Ɔ

¹³ Kɛkɛ nɛ matsɛ ɔ de e tsɔli ɔmɛ ke: ‘Nyɛɛ fi e nine kɛ e nane nɛ nyɛ wo lɛ ya sake ngɔ fɔ blɔ se diblii ɔ mi! Lejɛ ɔ ya fomi kɛ lungu nya kpemi ngɛ.’

Mateo 22:13 ပူးပေါင်းရင်းမြစ်များ

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Mateo 25:30

Kikɛmɛ a tsɔlɔ nɛ he be se nami nɛ ɔ, nyɛ sake lɛ ngɔ wo diblii ɔ mi lokoo. Lejɛ ɔ nɛ e maa wo ya, nɛ e ma kpe e lungu nya ngɛ.’

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Luka 13:28

Nyɛ maa wo yana, nɛ nyɛ ma kpe lungu nya, ke nyɛ na Abraham kɛ Isak, kɛ Yakob, kɛ gbali ɔmɛ tsuo ngɛ Mawu matsɛ yemi ɔ mi. Jamɛ a be ɔ, nyɛ nitsɛmɛ lɛɛ a tsi nyɛ blɔ!

Mateo 24:51

Nyɔmtsɛ ɔ ma tsɔtslɔɔ e mi, nɛ tue gblami nɛ sa osatotsɛmɛ ɔmɛ ɔ, e ma na eko. Lejɛ ɔ nɛ e maa wo ya, nɛ e ma kpe e lungu nya ngɛ.

Mateo 13:50

A ma sake mɛ ngɔ fɔ flɔɔnɔɔ kɛ e mi la hɛuu ɔ mi; nɛ lejɛ ɔ, a maa wo yana, nɛ a ma kpe lungu nya.”

Mateo 13:42

A ma sake mɛ kɛ fɔ flɔɔnɔɔ kɛ e mi la hɛuu ɔ mi; nɛ lejɛ ɔ a maa wo yana, nɛ a ma kpe lungu nya.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Mateo 13:30

Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Mateo 12:29

“Kɛ nɔ ko ma plɛ kɛ sɛ nɔ nɛ he wa we mi nɛ e ya ju kɛɛ? Ja e fi nɔmlɔ nɛ he wa nɛ ɔ kekle, loko e ma nyɛ ya ju ngɛ e we ɔ mi.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

La 37:12

Yayami peelɔ soɔ kpakpa peelɔ yi nɔ; e hyɛɛ lɛ too kɛ ninyɛ hɛngmɛ.

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Yohane 21:18

I ngɛ mo dee anɔkuale mi ke o nihe mi ɔ, mo nitsɛ o miaa, nɛ o yaa he tsuaa he nɛ o suɔ. Se ke o ba bwɔ ɔ, o ma wo o nine nɔ, nɛ nɔ kpa maa mia mo; nɛ e kɛ mo maa ya he nɛ o sume kaa o maa ya.”

Daniel 3:20

E fa e ta buli ɔmɛ a kpɛti oblai komɛ ke a fi Shadrak, Meshak kɛ Abednego, nɛ a sake mɛ ngɔ pue flɔɔnɔɔ kɛ e mi la nɛ ngɛ tsoe gegeege ɔ mi.