Mateo 21:35 - BAIBLO ALOO NGMAMI KLƆUKLƆU Ɔ

³⁵ Se huli ɔmɛ nuu e tsɔli ɔmɛ; a kongo nɔ kake, nɛ a gbe nɔ kake, nɛ a fia nɔ kake tɛ.

Somi He Ɔ

³⁵ Se huli ɔmɛ nu e tsɔli ɔmɛ, nɛ a fia nɔ kake kpa, nɛ a gbe nɔ kake, nɛ a fia nɔ kake hu tɛ.

Mateo 21:35 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Matsɛmɛ I, 22:24

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be Yawɛ mumi ɔ je ye nɔ nɛ e kɛ mo ba tu munyu?”

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ I, 18:13

Anɛ o nui kaa benɛ Yezebel ngɛ Yawɛ gbali ɔmɛ gbee ɔ, i ngɔ a ti nihi lafa ngɔ laa ngɛ tɛ puɔhi a mi, nɛ i ha mɛ niye ní kɛ nyu lo? I ngɔ gbali nyingmi enuɔ ngɔ to he kake, nɛ i ngɔ nyingmi enuɔ hu ngɔ to he kake.

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Yeremia 26:8

Benɛ i de nɔ́ tsuaa nɔ́ nɛ Yawɛ fa mi ke ma de ɔ gbe nya a, osɔfo ɔmɛ, gbali ɔmɛ, kɛ ma a tsuo nu mi. Nɛ a de ke, “Ja o gbo!

Yeremia 37:15

Ma nimeli ɔmɛ a mi mi fu mi wawɛɛ nitsɛ. A fia mi ní, nɛ a wo mi tsu ngɛ matsɛ pɛdiyo ɔ nɛ a tsɛɛ Yonatan ɔ we ɔ mi. (Jamɛ a be ɔ mi ɔ, a kɛ lejɛ ɔ pee he nɛ a woɔ nɔ tsu ngɛ.)

Mateo 21:34

Benɛ wai yiblii nya buami be su ɔ, zugbatsɛ nɛ ɔ tsɔ e tsɔli kɛ ya huli ɔmɛ a ngɔ kaa wai yiblii ɔ nɛ a bua nya a, a ya ngɔ lɛɛ e blɔ fa mi nɔ́ kɛ ba.

Mateo 21:36

Jehanɛ, e tsɔ tsɔli kpahi nɛ hiɛ pe kekle ni ɔmɛ. Se huli ɔmɛ pee mɛ ja nɔuu.