Mateo 21:34 - BAIBLO ALOO NGMAMI KLƆUKLƆU Ɔ

³⁴ Benɛ wai yiblii nya buami be su ɔ, zugbatsɛ nɛ ɔ tsɔ e tsɔli kɛ ya huli ɔmɛ a ngɔ kaa wai yiblii ɔ nɛ a bua nya a, a ya ngɔ lɛɛ e blɔ fa mi nɔ́ kɛ ba.

Somi He Ɔ

³⁴ Nɛ benɛ yiblii kpami be su ɔ, e tsɔ e tsɔli kɛ ya huli ɔmɛ a ngɔ ke a ya ngɔ e yiblii ɔ kɛ ba ha lɛ.

Mateo 21:34 ပူးပေါင်းရင်းမြစ်များ

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?

Mateo 22:3

E tsɔ nihi ke a ya tsɛ ni nɛmɛ nɛ a kpee ɔ kɛ ba okplɔɔ ɔ he, se a sume kaa a maa ba.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Mateo 21:35

Se huli ɔmɛ nuu e tsɔli ɔmɛ; a kongo nɔ kake, nɛ a gbe nɔ kake, nɛ a fia nɔ kake tɛ.

Mateo 21:38

Se benɛ huli ɔmɛ na e bi ɔ mohu ɔ, a de a he ke, ‘Ɛhɛɛ, ní yelɔ ɔ ji nɛ ɔ nɛ! Nyɛɛ ba; nyɛ ha waa gbe lɛ nɛ wa nine nɛ su e weto ní ɔ nɔ!’

Mateo 21:40

“Lɔ ɔ he ɔ, ke wai ngmɔtsɛ ɔ ba a, kɛ e maa pee huli nɛ ɔmɛ kɛɛ?”

Mateo 21:41

A he nɔ ke, “E ma kpata jamɛ a nimli yayami ɔmɛ a hɛ mi butuu, nɛ e maa ngɔ wai ngmɔ ɔ ngɔ ha apaa yeli kpahi, nihi nɛ maa ngɔ wai yiblii ba ha lɛ ngɛ be nɛ sa mi.”

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Marko 12:7

Se mɛɛ lɛɛ a de a he ke, ‘Ní yelɔ ɔ ji nɛ ɔ nɛ; nyɛ ha waa gbe lɛ, konɛ gbosi ní ɔ nɛ pee wa nɔ.’

Marko 12:9

Yesu bi mɛ ke, “Lɛɛ ke ngmɔtsɛ ɔ ba a, kɛ e maa pee kɛɛ? E ma ba kpata apaa yeli ɔmɛ a hɛ mi, nɛ e kɛ wai ngmɔ ɔ ma ha ni kpahi.

Luka 20:9

Jehanɛ ɔ, Yesu bu ni ɔmɛ abɛ ko ke, “Nyumu ko pee wai ngmɔ, nɛ e ngɔ ha huli apaa yeli, nɛ e doma kɛ ho he ko ya be babauu.