Mateo 21:31 - BAIBLO ALOO NGMAMI KLƆUKLƆU Ɔ

³¹ Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

Somi He Ɔ

³¹ Ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛɔ suɔ ɔ?” A de lɛ ke: “Nɔkɔtɔma a ʼi.” Yesu de mɛ ke: “Niinɛ, i ngɛ nyɛ dee ke, onia tsuli ɔmɛ kɛ ajuama amɛ ngɛ nyɛ hlami sɛe kɛ yaa hiɔwe matsɛ yemi ɔ mi.

Mateo 21:31 ပူးပေါင်းရင်းမြစ်များ

Luka 7:29

Ma a, kɛ tó tsuli ɔmɛ tsuo nɛ nu fiɛmi ɔ, bu Mawu tue. Níhi nɛ Mawu de mɛ ke a pee ɔ, a pee pɛpɛɛpɛ, nɛ Yohane sɔle mɛ.

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Mateo 20:16

Yesu de kɛ gbe nya ke, “Lɔ ɔ he ɔ, sekpɛli ma ba pee hlami sɛli, nɛ hlami sɛli ma ba pee sekpɛli.”

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Mateo 18:3

nɛ e de ke, “Niinɛ, i ngɛ nyɛ dee ke, ke nyɛ tsakee we nɛ nyɛɛ pee kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe.

Mateo 12:50

Nɔ tsuaa nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní ɔ, lɛ ji ye nyɛminyumu, ye nyɛmiyo, loo maa.”

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Hiob 15:6

Mo nitsɛ o nya mi munyu ngɛ mo fɔ bue; mo nitsɛ o lilɛ ngɛ odase yee kɛ ngɛ mo sie, se pi imi.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Mateo 21:30

Tsɛ ɔ ya jokuɛ ɔ hu ngɔ, nɛ e ya de lɛ ja nɔuu. E he nɔ ke, ‘Yoo tsaatsɛ, ma ya!’ Se e yɛ.

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 3:5

Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.