Mateo 21:26 - BAIBLO ALOO NGMAMI KLƆUKLƆU Ɔ

²⁶ Ke wa de ke, ‘E je adesa dɛ mi’ ɔ, lɔ ɔ hu wa ngɛ ma kpekpemi ɔ gbeye yee; ejakaa mɛ tsuo a deɔ ke Yohane ɔ, gbalɔ ji lɛ.”

Somi He Ɔ

²⁶ Nɛ ke wa ke: ‘E je nimli a dɛ mi’ ɔ, lɔ ɔ hu wa ngɛ asafo ɔ gbeye yee; ejakaa nihi tsuo buu Yohane gbalɔ.”

Mateo 21:26 ပူးပေါင်းရင်းမြစ်များ

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Mateo 11:9

Nyɛ de mi koo! Mɛni he je nyɛ ho ɔ? Nɛ́ nyɛ ya hyɛ gbalɔ, pi ja? Ee! Se i ngɛ nyɛ dee ke nɔ nɛ nyɛ ya na a pe gbalɔ tete.

Mateo 14:5

Jinɛ Herode hla kaa e gbe Yohane, se e ya ye Yuda bi ɔmɛ gbeye; ejakaa a buɔ Yohane gbalɔ.

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Mateo 21:25

He wami nɛ Yohane kɛ sɔle nihi ɔ, jije jamɛ a he wami ɔ je? E je Mawu ngɔ, loo adesa ngɔ?” Nɔ́ nɛ ɔ kɛ nya sami ba a kpɛti, nɛ a de ke, “Ke wa de ke, ‘E je Mawu ngɔ’ ɔ, e ma bi wɔ ke, ‘Mɛni he je nyɛ he we lɛ yi mɔ?’

Mateo 21:27

Lɔ ɔ he ɔ, a ha Yesu heto ke, “Wa li.” Lɛ hu e de mɛ ke, “Lɛɛ imi hu i be nyɛ tsɔɔe nɔ́ he wami nɛ i kɛ ngɛ ní nɛ ɔmɛ pee.

Mateo 21:46

Nɛ a ka kaa a maa nu lɛ, se a ya ye ma kpekpemi ɔ gbeye, ejakaa ma a buu lɛ gbalɔ.

Marko 11:32

Se akɛnɛ ma a tsuo he ye kaa Yohane ɔ, gbalɔ ji lɛ he je ɔ, a ye ma a gbeye kaa a ma de ke adesa dɛ mi e je.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Marko 6:20

Herode nitsɛ hu ngɛ Yohane gbeye yee, ejakaa e le kaa Yohane ɔ, nɔmlɔ kpakpa, kɛ nɔ klɔuklɔu ji lɛ; lɔ ɔ he ɔ, e ngɔ lɛ ngɔ to slɔkee. Herode suɔ kaa e bu lɛ tue lɛɛ, se be tsuaa be nɛ e maa nu munyu kɛ je Yohane nya, e haoɔ lɛ.

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.

Luka 20:6

Nɛ ke wa de ke, ‘Nɔmlɔ adesa nɛ ha lɛ’ ɔ, ni ɔmɛ nɛ ngɛ hiɛ ɔ tsuo maa fia wɔ tɛ; ejakaa a heɔ yeɔ kaa Yohane ɔ, gbalɔ ji lɛ.”

Luka 22:2

Osɔfo nikɔtɔma amɛ, kɛ mlaa tsɔɔli ɔmɛ ye ma a gbeye; lɔ ɔ he ɔ, a hla blɔ nɔ nɛ a maa gu kɛ gbe Yesu ngɛ laami mi.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Ni Tsumi 5:26

Kɛkɛ nɛ asafoatsɛ ɔ, kɛ e we bi ɔmɛ ya ngɔ bɔfo ɔmɛ kɛ ba. A pee we mɛ soisoi, ejakaa a ngɛ gbeye yee kaa ma a maa fia mɛ tɛ.