Mateo 21:25 - BAIBLO ALOO NGMAMI KLƆUKLƆU Ɔ

²⁵ He wami nɛ Yohane kɛ sɔle nihi ɔ, jije jamɛ a he wami ɔ je? E je Mawu ngɔ, loo adesa ngɔ?” Nɔ́ nɛ ɔ kɛ nya sami ba a kpɛti, nɛ a de ke, “Ke wa de ke, ‘E je Mawu ngɔ’ ɔ, e ma bi wɔ ke, ‘Mɛni he je nyɛ he we lɛ yi mɔ?’

Somi He Ɔ

²⁵ Yohane baptisimi ɔ jije e je? Hiɔwe e je loo nimli a dɛ mi?” Nɛ a hla mi ngɛ a kpɛti ke: “Ke wa ke ‘e je hiɔwe’ ɔ, e ma de wɔ ke: ‘Mɛni he je nyɛ he we lɛ yi mɔ?’

Mateo 21:25 ပူးပေါင်းရင်းမြစ်များ

1 Yohane 3:20

Se ke wa he nile buɔ wɔ fɔ ɔ, wa le kaa Mawu kle pe wa he nile ɔ, nɛ e le nɔ́ tsuaa nɔ́ hulɔ.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Luka 20:5

Kɛkɛ nɛ a bɔni mi hlami ngɛ mɛ nitsɛmɛ a kpɛti. A bi a he ke, “Kɛ wa ma de kɛɛ? Ke wa ke, Mawu nɛ ha lɛ ɔ, e ma de ke, ‘Lɛɛ mɛni he je nyɛ he we Yohane yi mɔ?’

Yohane 1:6

Mawu tsɔ nɔ ko kɛ ba je ɔ mi. A tsɛɛ lɛ Yohane.

Mateo 16:7

Se a tu he munyu ngɛ a kpɛti ke, “E de jã, ejakaa wa hɛɛ we niye ní kɛ bɛ!”

Mateo 21:24

Yesu de mɛ ke, “Ma bi nyɛ munyu ko, nɛ ke nyɛ nyɛ́ ha mi heto ɔ, kɛkɛ imi hu ma tsɔɔ nyɛ he wami nɛ i kɛ peeɔ kikɛmɛ a ní nɛ ɔmɛ.

Mateo 21:26

Ke wa de ke, ‘E je adesa dɛ mi’ ɔ, lɔ ɔ hu wa ngɛ ma kpekpemi ɔ gbeye yee; ejakaa mɛ tsuo a deɔ ke Yohane ɔ, gbalɔ ji lɛ.”

Luka 14:4

Se a pui e nya mi. Kɛkɛ nɛ Yesu pɛtɛ nyumu ɔ he, nɛ e tsa lɛ, nɛ e ha nɛ e ho.