Mateo 21:19 - BAIBLO ALOO NGMAMI KLƆUKLƆU Ɔ

¹⁹ E na ngmɔkɔ tso ko ngɛ blɔ ɔ he, nɛ e gba kɛ ya he; se e nɛ nɔ́ ko nɔ́ ko ngɛ tso ɔ nɔ pe ba kɛkɛ. Lɔ ɔ he ɔ, e de tso ɔ ke, “O be yiblii ko woe hu gblegbleegble!” Nɛ ngmɔkɔ tso ɔ ngla amlɔ nɔuu.

Somi He Ɔ

¹⁹ Nɛ e na ngmɔkɔ tso ko ngɛ blɔ ɔ he, nɛ e gba kɛ ya he, se e nɛ nɔ́ ko ngɛ nɔ kaa ja bahi kɛkɛ; nɛ e de ngmɔkɔ tso ɔ ke: “Kɛ je be nɛ ɔ kɛ yaa a, o be yiblii ko woe gblegblee hu!” Nɛ ngmɔkɔ tso ɔ ngla amlɔ ɔ nɔuu.

Mateo 21:19 ပူးပေါင်းရင်းမြစ်များ

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Luka 3:9

Amlɔ nɛ ɔ, gbiɛ ɔ fɔɔ si ngɛ tso si poku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.”

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Marko 11:14

Yesu de ngmɔkɔ tso ɔ ke, “Nɔ ko nɔ ko be o yiblii yee hu gblegbleegble!” E kaseli ɔmɛ nu nɔ́ nɛ e de ɔ.

Kpojemi 22:11

Lɔ ɔ he ɔ, yayami peelɔ ɔ, e ya nɔ nɛ e pee yayami; mutsɛ ɔ, e ya nɔ nɛ e wo e he mu; nɔmlɔ kpakpa a, e ya nɔ nɛ e pee kpakpa, nɛ nɔ nɛ ngɛ klɔuklɔu ɔ, e ya nɔ nɛ e pee e he klɔuklɔu.”

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Yeremia 8:13

“I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Mateo 21:20

Benɛ kaseli ɔmɛ na a, a nya kpɛ a he, nɛ a bi ke, “Kɛ ba lɛ kɛɛ loko ngmɔkɔ tso ɔ gbli amlɔ kikɛ nɛ ɔ?”

Marko 11:20

Mɔtu mla benɛ a kpale kɛ bee ɔ, a na kaa ngmɔkɔ tso ɔ ngla kɛ je hiɔwe ba ma si.