Mateo 21:16 - BAIBLO ALOO NGMAMI KLƆUKLƆU Ɔ

¹⁶ nɛ a bi lɛ ke, “Nɔ́ nɛ ni ɔmɛ ngɛ dee ɔ, o ngɛ nue?” Yesu he nɔ ke, “Ee, i ngɛ nue! Anɛ nyɛ kane we ngmami nɛ ɔ hyɛ lo? Ngmami ɔ ke, ‘O dla bimwɔwi, kɛ nyɔ nya bimɛ kɛ to konɛ a la la ngɔngɔɛ kɛ je o yi.’ ”

Somi He Ɔ

¹⁶ nɛ a de lɛ ke: “O ngɛ nɔ́ nɛ ni nɛ ɔmɛ ngɛ dee nɛ ɔ nue loo” Nɛ Yesu de mɛ ke: “Ee, anɛ nyɛ kane we hyɛ ke: ‘Bimwɔwi kɛ nyɔ nya bimɛ a nya nɛ o dla yi jemi ngɔ to ngɛ’ ɔ lo?”

Mateo 21:16 ပူးပေါင်းရင်းမြစ်များ

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 19:4

Yesu he nɔ ke, “Anɛ nyɛ kane we ngmami ɔ nɛ deɔ ke sisije ɔ, bɔlɔ ɔ bɔ adesa nyumu kɛ yo lo?

Mateo 12:3

Yesu he nɔ ke, “Nɔ́ nɛ David pee ligbi ko, benɛ hwɔ ngɛ e kɛ e we bi ɔmɛ yee ɔ, anɛ nyɛ kane we lo?

Marko 2:25

Yesu he nɔ ke, “Anɛ nyɛ kane we nɔ́ nɛ David pee benɛ hwɔ ye lɛ nɛ e nɛ́ nɔ́ ko nɛ e ye ɔ. Hwɔ ye e kɛ nihi nɛ kɛ lɛ nyɛɛ ɔ tsuo,

Mateo 22:31

Jehanɛ, nɔ́ nɛ kɔɔ ni gbogboehi a si temi he ɔ, anɛ nyɛ kane we nɔ́ nɛ Mawu de nyɛ ɔ hyɛ? Mawu ke,

Marko 13:17

Yihi nɛ hɛɛ muklii, kɛ ni nɛmɛ nɛ ngɛ nyɔ hae ngɛ jamɛ a be ɔ mi ɔ, a ní maa pee mɔbɔ wawɛɛ nitsɛ.

Luka 21:23

Yihi nɛ maa hɛɛ mi, kɛ ni nɛmɛ nɛ maa hi nyɔ hae jamɛ a be ɔ, kusiɛ ha mɛ! Fimi nɛ nya wa maa ba zugba a nɔ, nɛ Mawu mi mi ma fu kikɛmɛ a ma a.