Mateo 21:12 - BAIBLO ALOO NGMAMI KLƆUKLƆU Ɔ

¹² Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Somi He Ɔ

¹² Nɛ Yesu ya Mawu sɔlemi we ɔ nɛ e ya fie nihi nɛ ngɛ ni juae kɛ nihi nɛ ngɛ ni hee ngɛ sɔlemi we ɔ, nɛ e sake sika tsakeli ɔmɛ a kplɔɔ ɔmɛ kɛ nihi nɛ ngɛ lahuɛ ɔmɛ juae ɔ a sɛ ɔmɛ ngɔ fia si.

Mateo 21:12 ပူးပေါင်းရင်းမြစ်များ

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose III, 1:14

Ke lohwe pɛlitsɛ nɔ ɔ kɛ ma sami bɔ sami ha Yawɛ ɔ, e pee lahuɛ, loo beleku lahuɛ.

Mose III, 12:6

Ke yo ɔ gbe e he tsukɔmi ɔ nya ngɛ binyumu, loo biyo fɔmi se ɔ, e ngɔ jijɔ nɛ ye jeha kake, kɛ lahuɛ, loo beleku lahuɛ kake kɛ ba ha osɔfo ɔ ngɛ kpe he bo tsu ɔ sinya a nya. Osɔfo ɔ nɛ ngɔ jijɔ ɔ kɛ sã sami bɔ. Lahuɛ, loo beleku lahuɛ ɔ lɛɛ e kɛ sã yayami pami bɔ.

Mose III, 12:8

Ke yo ɔ be nyɛe nɛ e kɛ jijɔ bi ma ba sã bɔ ɔ, lɛɛ e ngɔ lahuɛ enyɔ, loo beleku lahuɛ enyɔ kɛ ba. E ngɔ kake kɛ ba sã sami bɔ, nɛ e ngɔ kake hu kɛ ba sã yayami pami bɔ. Osɔfo ɔ nɛ pee kusumi kɛ tsukɔ yo ɔ he; kɛkɛ ɔ, e he ma tsɔ.

Mose III, 14:22

kɛ lahuɛ enyɔ, aloo beleku lahuɛ enyɔ. Kake maa pee yayami pami bɔ, nɛ kake hu maa pee sami bɔ.

Mose III, 14:30

Jehanɛ e ngɔ lahuɛ ɔ kake, loo beleku lahuɛ ɔ kake

Mose III, 15:14

Ligbi nɛ ji kpaanyɔ ɔ, e ngɔ lahuɛ enyɔ, loo beleku lahuɛ enyɔ kɛ ba Yawɛ hɛ mi ngɛ kpe he bo tsu ɔ sinya a nya, nɛ e ngɔ mɛ kɛ ha osɔfo ɔ.

Mose III, 15:29

Ligbi kpaanyɔne ɔ, yo ɔ nɛ ngɔ lahuɛ enyɔ, loo beleku lahuɛ enyɔ kɛ ba ha osɔfo ɔ ngɛ kpe he bo tsu ɔ sinya a nya.

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose III, 5:7

Ke nɔ ko be nyɛe ma ha jijɔ ɔ, é ngɔ lahuɛ enyɔ, loo beleku lahuɛ enyɔ kɛ ba ha Yawɛ kaa e yayami nɛ e pee ɔ he bɔ. Á ngɔ kake kɛ pee yayami pami bɔ, nɛ enyɔne ɔ, a kɛ pee sami bɔ.

Marko 11:11

Yesu sɛ Yerusalem ma a mi, nɛ e ya sɔlemi we ɔ, nɛ e hyɛ ní ɔmɛ tsuo kɛ kpe, se akɛnɛ je bɔni jɔmi ɔ, e kɛ ni nyɔngma kɛ enyɔ ɔmɛ je kɛ ho Betania ya.

Luka 2:24

Lɔ ɔ se ɔ, a ya sã bɔ kaa bɔ nɛ a ngma ngɛ Nyɔmtsɛ ɔ mlaa a mi ke, “A ngɔ lahuɛ enyɔ, loo beleku lahuɛ tsɔwi enyɔ kɛ sã bɔ” ɔ.

Yohane 2:13

Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.