Mateo 21:11 - BAIBLO ALOO NGMAMI KLƆUKLƆU Ɔ

¹¹ Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Somi He Ɔ

¹¹ Se asafo ɔ ke: “Nɔ nɛ ɔ ji Yesu, gbalɔ nɛ je Nazaret ngɛ Galilea a nɛ.”

Mateo 21:11 ပူးပေါင်းရင်းမြစ်များ

Mateo 2:23

nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Mateo 21:10

Benɛ Yesu sɛ Yerusalem ma a mi ɔ, ma a tsuo hwɔ hoo, nɛ a bi ke, “Mɛnɔ ji nɛ ɔ?”

Mateo 21:26

Ke wa de ke, ‘E je adesa dɛ mi’ ɔ, lɔ ɔ hu wa ngɛ ma kpekpemi ɔ gbeye yee; ejakaa mɛ tsuo a deɔ ke Yohane ɔ, gbalɔ ji lɛ.”

Mateo 21:46

Nɛ a ka kaa a maa nu lɛ, se a ya ye ma kpekpemi ɔ gbeye, ejakaa ma a buu lɛ gbalɔ.

Marko 6:15

Ni komɛ hu ke, “Eliya ji lɛ;” nɛ ni kpa komɛ hu de ke, “Gbalɔ ji lɛ kaa blema gbali ɔmɛ a ti nɔ kake.”

Luka 13:33

Se kɛ̃ ɔ, e hia kaa ma tsa ye blɔ hiami ɔ nɔ mwɔnɛ ɔ, kɛ hwɔɔ, kɛ hwɔɔ se; ejakaa e sɛ kaa a gbeɔ gbalɔ ngɛ he kpa ko kaa ja Yerusalem.

Luka 24:19

E bi ke, “Mɛni sanehi?” A he nɔ ke, “Sanehi nɛ ba Yesu nɛ je Nazaret ɔ nɔ ɔ! Nyumu nɛ ɔ, gbalɔ ji lɛ. E pee nyakpɛ níhi, nɛ e tu munyu nguahi nɛ sa Mawu, kɛ ma a tsuo a hɛ mi.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Luka 7:39

Benɛ Farisi no ɔ nɛ tsɛ Yesu ní yemi ɔ na a, e de ngɛ e yi mi ke, “Nyumu nɛ ɔ, gbalɔ nitsɛ ji lɛ jinɛ e ko le yo nɛ ngɛ e he tae nɛ ɔ mi tso kaa yayami peelɔ ji lɛ!”

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 4:19

Yo ɔ de Yesu ke, “Nyɔmtsɛ, i na kaa gbalɔ ji mo.

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 7:40

Benɛ ma mi bi ɔmɛ nu munyu nɛ ɔmɛ ɔ, a ti ni komɛ de ke, “Niinɛ, nɔmlɔ nɛ ɔ ji gbalɔ ɔ nɛ.”

Yohane 9:17

Jehanɛ ɔ, Farisi bi ɔmɛ kpale bi nyumu ɔ ekohu ke, “Tse o de wɔ ke e bli o hɛngmɛ! Saminya, kɛ moo o deɔ ngɛ e he kɛɛ?” Nyumu ɔ he nɔ ke, “Gbalɔ ji lɛ.”

Ni Tsumi 7:37

Kikɛmɛ a Mose nɛ ɔ nɛ de Israel bi ɔmɛ ke, ‘Nyɔmtsɛ, nyɛ Mawu ɔ maa tsɔ gbalɔ ko kɛ je nyɛ nyɛmimɛ ɔmɛ a kpɛti kaa bɔ nɛ e tsɔ mi ɔ nɛ.’