Mateo 20:34 - BAIBLO ALOO NGMAMI KLƆUKLƆU Ɔ

³⁴ Yesu mi mi sã lɛ ngɛ a he, nɛ e ta a hɛngmɛ ɔmɛ a he. Amlɔ nɔuu ɔ, a hyɛ nɔ́ ekohu, nɛ a nyɛɛ e se.

Somi He Ɔ

³⁴ Nɛ Yesu mi mi sa lɛ ngɛ a he, nɛ e ta a yɛngmɛ omɛ a he, nɛ amlɔ ɔ a hyɛ nɔ, nɛ a nyɛɛ e se.

Mateo 20:34 ပူးပေါင်းရင်းမြစ်များ

La 119:67

Loko o gbla ye tue ɔ, i pɔɔ blɔ tlami, se jehanɛ lɛɛ i yeɔ o munyu ɔ nɔ.

La 119:71

E hi ha mi kaa o gbla ye tue, konɛ ma kase o mlaa amɛ.

La 145:8

Dloolɔ kɛ mɔbɔ nalɔ ji Yawɛ; e mi mi fu we mla, nɛ e suɔmi hiɛ babauu.

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 15:32

Yesu tsɛ e kaseli ɔmɛ kɛ ba e ngɔ, nɛ e de mɛ ke, “Ye mi mi ngɛ mi sããe ngɛ nimli kpekpemi nɛ ɔmɛ a he. Ligbi etɛ sɔuu ji nɛ ɔ nɛ a kɛ mi ngɛ, nɛ a be nɔ́ ko nɛ a maa ye. I sume kaa ma wo mɛ blɔ kɛ ho kɛ hwɔ; eko piɔ klibi ma ya po mɛ ngɛ blɔ ɔ nɔ.”

Mateo 20:33

A de lɛ ke, “Nyɔmtsɛ, ha wa hɛngmɛ ɔmɛ nɛ bli.”

Mateo 21:1

Benɛ Yesu kɛ e kaseli ɔmɛ miɔ nɛ a maa su Yerusalem ɔ, a gba Betfage, ngɛ Oliv yo ɔ he. Yesu tsɔ e kaseli ɔmɛ a ti ni enyɔ,

Mateo 8:15

E pɛtɛ yo ɔ nine si, kɛkɛ nɛ asla a po ngɛ e nɔ, nɛ e bɔni mɛ sɔmɔmi.

Mateo 9:29

Kɛkɛ nɛ Yesu ta a hɛngmɛ ɔmɛ a he, nɛ e de ke, “A pee ha nyɛ kaa bɔ nɛ nyɛ heɔ yeɔ ɔ!”

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Marko 7:33

Yesu kɛ lɛ je ni ɔmɛ a kpɛti kɛ ya se, nɛ e kɛ e nine nguɛhi wo e tue puɔ ɔmɛ a mi, nɛ e su lada kɛ sa nyumu ɔ lilɛ he.

Luka 18:43

Amlɔ ɔ nɔuu ɔ, e bɔni nɔ́ hyɛmi, nɛ e nyɛɛ Yesu se, nɛ e ngɛ Mawu yi jee. Benɛ nimli kpekpemi ɔ na nɔ́ nɛ ba a, mɛ tsuo a je Mawu yi.

Luka 22:51

Se Yesu de ke, “E hiɛ!” Kɛkɛ nɛ e ta nyumu ɔ tue ɔ he, nɛ e tsa lɛ.

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.