Mateo 20:32 - BAIBLO ALOO NGMAMI KLƆUKLƆU Ɔ

³² Yesu da si, nɛ e tsɛ mɛ, nɛ e bi mɛ ke, “Mɛni nyɛ ngɛ hlae nɛ ma pee ha nyɛ?”

Somi He Ɔ

³² Nɛ Yesu da si nɛ e tsɛ mɛ nɛ e ke: “Mɛni nyɛ ngɛ hlae nɛ ma pee ha nyɛ?”

Mateo 20:32 ပူးပေါင်းရင်းမြစ်များ

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

Mateo 20:21

Yesu bi lɛ ke, “Mɛni o ngɛ hlae?” Yo ɔ he nɔ ke, “Wó mi si kaa ke o ba ye matsɛ ɔ, ye binyumuhi enyɔ nɛ ɔmɛ a ti nɔ kake maa hi o hiɔ nɔ, nɛ nɔ kake hu maa hi o muɔ nɔ.”

Ni Tsumi 10:29

Enɛ ɔ he hulɔ nɛ benɛ a tsɔ ba tsɛ mi ɔ, i je we ye nya, nɛ i ba a nɛ. Lɔ ɔ he ɔ, i ngɛ nyɛ bie ke, mɛni he je nyɛ tsɔ ba tsɛ mi ɔ?”

Mateo 20:31

Ni ɔmɛ kuɛ wo mɛ, nɛ a de mɛ ke a ma a nya. Se hɛ yuyuili ɔmɛ kpa ngmlaa pe kekle ɔ ke, “David bi lee! Naa wɔ mɔbɔ oo, naa wɔ mɔbɔ!”

Mateo 20:33

A de lɛ ke, “Nyɔmtsɛ, ha wa hɛngmɛ ɔmɛ nɛ bli.”