Mateo 20:27 - BAIBLO ALOO NGMAMI KLƆUKLƆU Ɔ

²⁷ nɛ nɔ tsuaa nɔ nɛ maa suɔ kaa e ye kekleekle blɔ he ɔ, lɛ mohu e plɛ nyɛ nyɔguɛ

Somi He Ɔ

²⁷ Nɛ nɔ tsuaa nɔ nɛ suɔ kaa e plɛ nɔkɔtɔma ngɛ nyɛ kpɛti ɔ, lɛ mohu e plɛ nyɛ tsɔlɔ.

Mateo 20:27 ပူးပေါင်းရင်းမြစ်များ

Luka 22:26

Se nyɛɛ lɛɛ e be nyɛ jã. Mohu ɔ, nɔ nɛ ji nɔ nguaa pe kulaa ngɛ nyɛ kpɛti ɔ, e pee e ní kaa jokuɛyo pe kulaa; nɔkɔtɔma a, e pee e ní kaa sɔmɔlɔ.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Mateo 18:4

Nɔ tsuaa nɔ nɛ baa e he si kaa jokuɛ nɛ ɔ, lɛ ji nɔmlɔ nguaa pe kulaa ngɛ hiɔwe matsɛ yemi ɔ mi.

Romabi 1:14

I ngɛ kaa nɔ ko nɛ hɛɛ nihi tsuo hiɔ, Hela bi, kɛ nihi nɛ pi Hela bi ji mɛ; ní leli kɛ, kuasiahi tsuo i hɛɛ mɛ hiɔ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

Mateo 20:26

Nyɛɛ lɛɛ e ko ba ja ngɛ nyɛ kpɛti; nɔ tsuaa nɔ nɛ maa suɔ kaa e pee nɔmlɔ nguaa ngɛ nyɛ kpɛti ɔ, lɛ mohu e plɛ nyɛ sɔmɔlɔ;

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”