Mateo 20:25 - BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, Yesu tsɛ mɛ tsuo kɛ ba e ngɔ, nɛ e de mɛ ke, “Nyɛ le bɔ nɛ ma je li ɔmɛ a nɔ yeli ɔmɛ yeɔ a nɔ ha. Nyɛ le bɔ nɛ a ganɔ ɔmɛ yeɔ a nɔ kɛ he wami.

Somi He Ɔ

²⁵ Lɔ ɔ he ɔ Yesu tsɛ mɛ kɛ ba e ngɔ, nɛ e de mɛ ke: “Nyɛ le kaa ma amɛ a nɔ ganɔ ɔmɛ yeɔ a nɔ, nɛ a kpɛti nimli ngua amɛ hu ngɛ he wami ngɛ a nɔ.

Mateo 20:25 ပူးပေါင်းရင်းမြစ်များ

Marko 10:42

Lɔ ɔ he ɔ, Yesu tsɛ mɛ tsuo kɛ ba e ngɔ, nɛ e de mɛ ke, “Kaa bɔ nɛ nyɛ le ɔ, je nɛ ɔ mi nɔ yeli ɔmɛ ngɛ he wami saminya nɛ a kɛ yeɔ ma je li ɔmɛ a nɔ wawɛɛ.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Mateo 20:24

Benɛ kaseli nyɔngma amɛ nɛ piɛ ɔ nu he ɔ, a mi mi fu nyɛmimɛ enyɔ ɔmɛ.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.