Mateo 20:22 - BAIBLO ALOO NGMAMI KLƆUKLƆU Ɔ

²² Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

Somi He Ɔ

²² Se Yesu he nɔ ke: “Nyɛ li nɔ nɛ nyɛ ngɛ bie ɔ. Anɛ nyɛ ma nyɛ kplu nɛ ma nu ɔ maa nu?” A de lɛ ke: “Wa ma nyɛ.”

Mateo 20:22 ပူးပေါင်းရင်းမြစ်များ

Luka 22:42

ke, “Tsaatsɛ, ke o suɔ ɔ, je nɔ́ nami kplu nɛ ɔ kɛ je ye blɔ mi. Se kɛ̃ ɔ, a ko pee nɔ́ nɛ imi i suɔ; se mohu a pee nɔ́ nɛ mo o suɔ.” [

Mateo 26:42

Yesu pue nɔ kɛ ho si enyɔne, nɛ e ya sɔle ke, “Tsaatsɛ, ke a be amanehlu kplu nɛ ɔ jee kɛ je ye he kɛ ya se, nɛ ja i nu ɔ, lɛɛ a pee bɔ nɛ o suɔ.”

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Marko 14:36

E de ke, “Tsaatsɛ! O nyɛɔ níhi tsuo peeɔ! I kpa mo pɛɛ, je amanehlu kplu nɛ ɔ kɛ ho; se kɛ̃ ɔ, pi bɔ nɛ i suɔ, se bɔ nɛ mo o suɔ.”

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yakobo 4:3

Ke nyɛ kpa pɛɛ hu, nyɛ nine sui nɔ, ejakaa nyɛ yi mi tomi ɔmɛ hí; níhi nɛ ma ha nyɛ bua jɔmi pɛ he pɛɛ nɛ nyɛ kpaa.

Luka 12:50

A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Yeremia 49:12

“Nihi nɛ sɛ́ tue gblami, nɛ a gbla a tue ɔ, moo o susu kaa o maa ye o he lo? Dɛbi! Jamɛ a tue gblami kplu ɔ, ja mo hu o nu kɛ̃!

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

La 75:3

Je ɔ kɛ e mi níhi tsuo ma mimiɛ; se imi ma ha je ɔ sisi tomi ɔmɛ maa ma si kpɛii.

Mateo 26:35

Petro de lɛ ke, “Dɛbi! Ke i kɛ mo ma gbo tete po, i be mo kuae kɔkɔɔkɔ!” Kaseli nɛ piɛ ɔ, mɛ hu a tu munyu ja nɔuu.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.