Mateo 20:21 - BAIBLO ALOO NGMAMI KLƆUKLƆU Ɔ

²¹ Yesu bi lɛ ke, “Mɛni o ngɛ hlae?” Yo ɔ he nɔ ke, “Wó mi si kaa ke o ba ye matsɛ ɔ, ye binyumuhi enyɔ nɛ ɔmɛ a ti nɔ kake maa hi o hiɔ nɔ, nɛ nɔ kake hu maa hi o muɔ nɔ.”

Somi He Ɔ

²¹ Nɛ Yesu bi lɛ ke: “Mɛni o ngɛ hlae?” Yo ɔ he nɔ ke: “De nɛ ye bimɛ enyɔ nɛ ɔmɛ a ti nɔ kake nɛ hi o hiɛ ɔ nɔ, nɛ nɔ kake hu nɛ hi o muɔ nɔ ngɛ o matsɛ yemi ɔ mi.”

Mateo 20:21 ပူးပေါင်းရင်းမြစ်များ

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Ester 5:3

Matsɛ ɔ bi lɛ ke, “Manyɛ Ester, mɛni sane? Mɛni o ngɛ hlae nɛ ma pee ha mo? Ke ye nɔ yemi he ɔ mi fa po o ngɛ hlae ɔ, de mi, nɛ ma ha mo.”

Mateo 18:1

Jamɛ a be ɔ mi ɔ, kaseli ɔmɛ ba Yesu ngɔ, nɛ a ba bi lɛ ke, “Mɛnɔ ji nɔmlɔ nguaa pe kulaa ngɛ hiɔwe matsɛ yemi ɔ mi?”

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Ni Tsumi 1:6

Benɛ bɔfo ɔmɛ kɛ Yesu ba bua ngɛ he kake ɔ, a bi lɛ ke, “Nyɔmtsɛ, anɛ kikɛmɛ a be nɛ ɔ mi nɛ o maa kpale ngɔ matsɛ yemi ɔ kɛ ha Israel ɔ lo?”

Marko 6:22

Herodia biyo ba ba do, nɛ e sa Herode, kɛ nihi nɛ kɛ lɛ hii si ngɛ okplɔɔ he ɔ a hɛ mi. Lɔ ɔ he ɔ, matsɛ ɔ de jokuɛ yo ɔ ke, “Bi mi nɔ́ tsuaa nɔ́ nɛ o suɔ nɛ ma ha mo!”

Mateo 20:32

Yesu da si, nɛ e tsɛ mɛ, nɛ e bi mɛ ke, “Mɛni nyɛ ngɛ hlae nɛ ma pee ha nyɛ?”

Matsɛmɛ I, 3:5

Jamɛ a nyɔ ɔ mi ɔ, Yawɛ je e he kpo ngɔ tsɔɔ Salomo ngɛ nlami mi, nɛ e bi lɛ ke, “Mɛni o suɔ nɛ ma ha mo?”

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

Luka 22:24

Kaseli ɔmɛ sɔuu ba bɔni nya sami kaa a kpɛti mɛnɔ lɛ sa kaa a buu nɔmlɔ nguaa pe kulaa.

Luka 19:11

Benɛ ni ɔmɛ ngɛ nɔ́ nɛ ɔ tue bue ɔ, Yesu tu mɛ munyu ngɛ abɛ gbi mi, ejakaa e su Yerusalem haa, nɛ ni ɔmɛ susu kaa Mawu matsɛ yemi ɔ maa ba nɔuu.

Luka 18:41

“Mɛni o ngɛ hlae nɛ ma pee ha mo?” E he nɔ ke, “Nyɔmtsɛ, ha nɛ ma hyɛ nɔ ekohu.”

Marko 10:51

Yesu bi lɛ ke, “Mɛni o ngɛ hlae nɛ ma pee ha mo?” Hɛ yuyuilɔ ɔ de lɛ ke, “Tsɔɔlɔ, ha ma hyɛ nɔ́ ekohu.”

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Matsɛmɛ I, 2:19

Kɛkɛ nɛ Batsheba ho matsɛ ɔ ngɔ ya, nɛ́ e kɛ lɛ ya sɛɛ Adoniya hiami nɔ́ ɔ he ní. Matsɛ ɔ te si nɛ e kɛ e nyɛ ɔ ya kpe, nɛ e kpla si ngɛ e nyɛ ɔ hɛ mi. Lɔ ɔ se ɔ, e ho ya hi e matsɛ sɛ ɔ nɔ, nɛ e ha a kɛ sɛ kpa ba ha e nyɛ ɔ, nɛ e hi nɔ ngɛ e hiɔ nɔ.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”