Mateo 20:19 - BAIBLO ALOO NGMAMI KLƆUKLƆU Ɔ

¹⁹ nɛ a maa ngɔ lɛ ngɔ ha ma je li ɔmɛ nɛ a ye e he fɛu, nɛ a fia lɛ kplibi, nɛ a sɛu lɛ. Se ligbi etɛ se ɔ, a ma tle lɛ si kɛ ba wami mi ekohu.”

Somi He Ɔ

¹⁹ Nɛ a maa ngɔ lɛ ngɔ ha majeli ɔmɛ, nɛ a ye e he fɛu, nɛ a fia lɛ kplibi nɛ a sɛu lɛ; nɛ ligbi nɛ ji ligbi etɛ ɔ a ma tle lɛ si ekohu.”

Mateo 20:19 ပူးပေါင်းရင်းမြစ်များ

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

La 35:16

A kɛ ma mi yaka nimli ɔmɛ ya pee kake. A plɛ a nya wo mi, nɛ a ye ye he fɛu.

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Marko 15:1

Mɔtu mla a, osɔfo nikɔtɔma amɛ, ma nimeli ɔmɛ, mlaa tsɔɔli ɔmɛ, kɛ kpe ngua a tsuo ya da, nɛ a fi Yesu; nɛ a kɛ lɛ ya ha Pilato.

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Hiob 30:8

Yakayaka nimli, kɛ ni guhi ji mɛ tsuo, nihi nɛ a fia a nane si tu kɛ je ma a mi.

Mateo 17:23

nɛ a gbe lɛ. Se ligbi etɛ se ɔ, Mawu ma tle lɛ si.” Nɔ́ nɛ ɔ hao kaseli ɔmɛ wawɛɛ.

Mateo 27:26

Kɛkɛ nɛ Pilato ngmɛɛ Baraba he ngɔ ha mɛ. Se Yesu ɔ lɛɛ e ha a fia lɛ kpa, nɛ lɔ ɔ se ɔ, e ngɔ lɛ ngɔ ha nɛ a ya sɛu lɛ.

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Marko 15:15

Akɛnɛ Pilato ngɛ hlae nɛ e pee nɔ́ nɛ sa ma a hɛ mi he je ɔ, e ngmɛɛ Baraba he ha mɛ. Yesu ɔ lɛɛ e ha nɛ a fia lɛ kpa, nɛ e ngɔ lɛ ha a ya sɛu lɛ.

Luka 18:32

A maa ngɔ lɛ ngɔ wo ma je li a dɛ mi; ma je li ɔmɛ maa ye e he fɛu, nɛ a ma jɛ lɛ, nɛ a maa la lada ngɔ pue e nɔ.