Mateo 20:16 - BAIBLO ALOO NGMAMI KLƆUKLƆU Ɔ

¹⁶ Yesu de kɛ gbe nya ke, “Lɔ ɔ he ɔ, sekpɛli ma ba pee hlami sɛli, nɛ hlami sɛli ma ba pee sekpɛli.”

Somi He Ɔ

¹⁶ Kikɛ nɛ ɔ, “Sekpɛtsɛmɛ ma plɛ kekletsɛmɛ, nɛ kekletsɛmɛ ma plɛ sekpɛtsɛmɛ.”

Mateo 20:16 ပူးပေါင်းရင်းမြစ်များ

Mateo 19:30

Se nihi fuu nɛ sɛ hlami amlɔ nɛ ɔ ma ba pee sekpɛli, nɛ sekpɛli ma ba pee hlami sɛli.

Marko 10:31

Kekletsɛmɛ fuu ma ba pee sekpɛli, nɛ sekpɛli ma ba pee kekletsɛmɛ.”

Mateo 22:14

Yesu gbe e munyu ɔ nya ke, “A tsɛ nihi fuu, se bɔɔ pɛ a hla.”

Luka 15:7

I ngɛ nyɛ dee ke, jã nɔuu lɛ bua jɔmi maa ba hiɔwe, ke yayami peelɔ kake tsake e tsui, pe dali nyingmi nɛɛ kɛ nɛɛ kɛ se, nɛ mɛɛ tsui tsakemi he hia we mɛ.

Romabi 9:30

Lɛɛ kɛ wa ma de kɛɛ? Ma je li ɔmɛ nɛ jinɛ a, kaa a bu mɛ nihi nɛ da a, a bu mɛ ni nɛ da ejakaa a he Mawu ye.

Mateo 7:13

“Nyɛɛ sɛ agbo tokofii ɔ mi, ejakaa agbo nɛ kɛ nɔ yaa hɛ mi kpatami mi ɔ mi bli. Blɔ nɛ yaa lejɛ ɔ hu ngɛ gbajaa, nɛ nihi babauu nyɛɛɔ nɔ kɛ sɛɛ mi.

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

Luka 14:24

I ngɛ nyɛ dee ke, nihi nɛ a kpee ɔ, ke a ti nɔ ko sa e nya ye niye ní nɛ ɔ fii!’ ”

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Luka 7:47

Lɔ ɔ he ɔ, i ngɛ mo dee ke, suɔmi agbo nɛ e je kpo ɔ tsɔɔ kaa a ngɔ e he yayami babauu ɔ ngɔ pa lɛ. Nɔ nɛ a ngɔ bɔbɔyoo pɛ ngɔ pa lɛ ɔ, suɔmi bɔbɔyoo pɛ e jeɔ kpo.”

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.