Mateo 20:12 - BAIBLO ALOO NGMAMI KLƆUKLƆU Ɔ

¹² A ke, ‘Sekpɛtsɛmɛ nɛ ɔmɛ ɔ, ngmlɛfia kake pɛ a tsu ní; wɔɔ lɛɛ wa tsu ní ligbi ɔ tsuo. Pu tsoo wɔ, nɛ latsa tsa wɔ, se o wo waa kɛ mɛ hiɔ fiee!’

Somi He Ɔ

¹² a ke: ‘Sekpɛtsɛmɛ nɛ ɔmɛ, ngmlɛfia kake kɛkɛ a tsu ni, nɛ o ha mɛ kɛ wɔ nɛ wa tsu ni je nami nɛ pɔ tɔ wɔ nɛ latsa tsa wɔ ɔ tsuo pɛ.’

Mateo 20:12 ပူးပေါင်းရင်းမြစ်များ

Luka 12:55

Nɛ ke leneyi kɔɔhiɔ ngɛ fiae ɔ, nyɛ deɔ ke, ‘Latsa maa tsa’, nɛ e baa mi ja pɛpɛɛpɛ.

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

1 Korintobi 4:11

Kɛ ba si amlɔ nɛ ɔ tete po hwɔ kɛ kuma yee wɔ; wa heha níhi híaa ngɛ wa he; a kongoɔ wɔ, nɛ wa hii kpae kɛ hii bee.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Mateo 20:11

Benɛ a nine su sika a nɔ ɔ, a tu munyu huitihuiti kɛ si nɔ nɛ bɔ mɛ apaa a.