Mateo 2:9 - BAIBLO ALOO NGMAMI KLƆUKLƆU Ɔ

⁹ Benɛ a nu matsɛ ɔ sɛ gbi ɔ, a pue nɔ kɛ ho. Nɛ ɛ dodoe ɔ nɛ a na ngɛ beleku ɔ nyɛɛ a hɛ mi hluu kɛ ya si dodoe ɔ ya da he nɛ bimwɔyo ɔ ngɛ ɔ yi mi.

Somi He Ɔ

⁹ Se benɛ a nu matsɛ ɔ munyu ɔ, a pue nɔ kɛ ho. Nɛ oʼɛ, dodoe ɔ nɛ a na ngɛ beleku ɔ nyɛɛ a hɛ mi hluu kɛ ya si dodoe ɔ ba da he nɛ bimwɔyo ɔ ngɛ ɔ yi mi.

Mateo 2:9 ပူးပေါင်းရင်းမြစ်များ

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

La 25:12

Nihi tsuo nɛ yeɔ Yawɛ gbeye ɔ, Yawɛ maa tsɔɔ mɛ blɔ nɛ a nyɛɛ nɔ.

Mateo 2:8

Lɔ ɔ se ɔ, e wo mɛ blɔ kɛ ho Betlehem ya kɛ sɛ gbi ke, “Nyɛɛ ya nɛ nyɛ ya hla bimwɔyo ɔ fitsofitso. Ke nyɛ na lɛ ɔ, nyɛ ba de mi, konɛ imi hu ma ya nɛ ma ya ja lɛ.”

Mateo 2:10

Benɛ a na dodoe ɔ, a na bua jɔmi wawɛɛ nitsɛ.